Stefna að því að sækja hrossin á morgun

Tólf hestar fundust drukknaðir í Bessastaðatjörn fyrr í dag. Hestarnir hafa farið út á ísinn einhvern síðustu daga og ísinn gefið eftir.

Einar Þór Jóhannsson hjá Íshestum segir í samtali við fréttastofu að stefnt sé að því að koma hræjunum upp úr tjörninni á morgun. Hjálparsveitir séu í viðbragðsstöðu og vonandi takist það á morgun. Sjö hestanna voru í eigu Íshesta en fimm félaga í Hestamannafélaginu Sóti.

Nú stendur yfir fundur á vegum Hestamannafélaginu Sóta þar sem rætt er um framhaldið. Einar Þór var ekki staddur á fundinum sem stendur enn yfir.