Tólf hestar drukknuðu í Bessastaðatjörn Atli Ísleifsson skrifar 21. desember 2014 14:07 Þyrla Landhelgisgæslunnar var notuð við leitina. Vísir/Vilhelm Tólf hestar fundust drukknaðir í Bessastaðatjörn fyrr í dag. Hestarnir hafa farið út á ísinn einhvern síðustu daga og ísinn gefið eftir. Sjö hestanna voru í eigu Íshesta en fimm félaga í Hestamannafélaginu Sóti. Einar Bollason hjá Íshestum segir málið skelfilegt og að starfsmenn séu allir í losti vegna málsins. „Við vorum með 24 hesta á svokallaðri haustbeit hjá hestamannafélaginu Sóta og búin að vera með beitina þarna úti á Álftanesi í tugi ára. Þetta voru hestar sem við ætluðum að taka inn núna til að bæta við þá hesta sem við erum með í Hafnarfirði. Svo verið er að smala Bessastaðalandið í gær og þá kemur í ljós að það vantar þrettá hesta og þar af sjö hesta frá okkur. Þeir voru bara horfnir.“ Einar segir að menn hafi byrjað leitina aftur í birtingu í morgun. „Þeir fengu þyrluna frá Landhelgisgæslunni með sér í lið. Þetta var náttúrulega einn af möguleikunum að hestarnir hefðu farið út á ísinn á Bessastaðatjörn og farið niður þó það hafi aldrei nokkurn tímann gerst áður. Það var raunin. Þarna voru þeir allir í einni kös. Höfðu farið út á ísinn, hann gefið eftir, og þeir ekki náð að krafla sig aftur upp. Þetta er rétt frá landi.“ Hestarnir fundust með aðstoð þyrlu Landhelgisgæslunnar en hitamæli þyrlunnar var beitt til að finna hestana. „Það er ekki nema rúm vika síðan menn voru að gá að hestunum, þar af starfsmaður frá okkur, og allt var í toppstandi. Þannig að þetta hefur gerst einhvern síðustu daga.“Ung stúlka hafi misst báða reiðhestana sína í slysinuEinar segist ekki geta lýst því með orðum hvernig honum líður. „Menn bindast sterkum böndum við þessa hesta. Þetta er milli 80 og 90 sem fyrirtækið á, en það er náttúrulega unnið með á annað þúsund hestum yfir sumarið, en það er í sumarferðum þar sem bændur eru í raun verktakar fyrir okkur. Sumir af þessum hestum er búið að vera í okkar eigu í um fimmtán ár. Þú getur rétt ímyndað þér tengslin við starfsfólkið. Eins og ég sagði við mína starfsmenn þá má þakka guði fyrir að þetta séu ekki börnin okkar, en næsta skref við.“ Einar segir að ung stúlka hafi misst báða reiðhestana sína í slysinu. „Þú getur rétt ímyndað þér hvílíkt tjón það er. Þetta er svo svakalegt að maður veit ekkert hvað á að segja. Þetta er alveg skelfilegt.“ Atvinnutæki og vinirEinar segir hina hestana tilheyra ýmsum félögum í Sóta. „Meðal annars var verðlaunameri frá dóttur minni og tengdasyni sem þau stefndu hátt með. Þau fengu risatilboð síðastliðið sumar sem þau höfnuðu. Þú getur rétt ímyndað þér tjónið sem þau verða fyrir. Þetta eru okkar atvinnutæki en vinir okkar um leið en það er ekki síðra tjónið sem hinn almenni félagi í þessu hestamannafélagi verður fyrir. Missa kannski alla sína hesta, eða hvernig sem það lítur út.“Uppfært kl. 14:40. Hrafnhildur Brynja Stefánsdóttir, upplýsingafulltrúi Landhelgisgæslunnar, segir að Gæslan hafi verið í almennu gæsluflugi í morgun en frétt af málinu og því ákveðið að fljúga yfir svæðið. Í tilkynningu frá Gæslunni segir að að gefnu tilefni vilji Landhelgisgæslan benda á að þyrla hennar hafi ekki þátt í skipulagðri leit að hrossum á Álftanesi í morgun. „Hið rétta er að stjórnstöð Landhelgisgæslunnar vissi af leitinni og þegar þyrlan var á leið í reglubundið eftirlits- og gæsluflug var ákveðið að fljúga yfir svæðið. Áhöfn þyrlunnar kom fljótt auga á hrossinn í Bessastaðatjörn og tilkynnti það til stjórnstöðvar sem gerði lögreglu viðvart. Var síðan áfram haldið í fyrirhugað flug.“ Mest lesið „Sjaldan hefur stjórnmálamaður verið hamflettur jafn rækilega“ Innlent Lögregla dreifði gjörbreyttri mynd af díselþjófum Innlent Líkir aðferðum forstjóra Landsvirkjunnar við heimilisofbeldi Innlent „Það er rosalega ljótt að segja þetta en mér líður bara þannig“ Innlent „Hef ekki hitt neinn arkitekt sem finnst þetta góð hugmynd“ Innlent Dregur í land og segir Starmer og félaga verðlauna Hamas Erlent Í áfalli eftir að hafa fengið bréf frá árásarmanninum inn um lúguna Erlent Lét högg og spörk dynja á foreldrunum í tíu klukkustundir Innlent Létu sprengjum rigna á Kænugarð Erlent Meiddist á handlegg og fótum þegar glerhurð brotnaði Innlent Fleiri fréttir Lögregla dreifði gjörbreyttri mynd af díselþjófum Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Meiddist á handlegg og fótum þegar glerhurð brotnaði „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Rússnesk herflugvél mætt í Landeyjarnar „Ég held að þetta sé ekki bóla“ Kona flutt á spítala eftir fjóhjólaslys Vara við að gangast undir fegrunarmeðferðir hjá óviðurkenndum aðilum „Sjaldan hefur stjórnmálamaður verið hamflettur jafn rækilega“ Lét högg og spörk dynja á foreldrunum í tíu klukkustundir Barst tilkynning um olíustuld í Hafnarfirði „Léleg blaðamennska“ sem byggi á upphrópunum og hatri á atvinnulífi Ítrekað ofbeldi, skelfdur Íslendingur eftir skjálfta og padel-æði „Það þarf sennilega að moka þennan bíl upp“ Leggja stöðvunarkröfu á framkæmdir við Hvammsvirkjun Lögreglan leitar upplýsinga um þennan mann Lögreglan leitar þessara manna Eldur kviknaði í hjúkrunarheimili á Höfn Stöðfirðingar þreyttir á ferðamönnum sem geri þarfir sínar um allan bæ Fagnar tillögu Sigurjóns og segir veiðiráðgjöf Hafró ranga Langþreyttur á bensínbrúsum og „bílakirkjugarði“ Úkraínumenn vilja fá Íslendinga í almannavarnabandalag Risaskjálfti í Kyrrahafi og bensínbrúsabílar í Breiðholti Ákærð fyrir að bana föður og tilraun til að bana móður Skýrsla Guðlaugs Þórs frá 2018: „Aðildarviðræðunum var ekki formlega slitið“ Sjá meira
Tólf hestar fundust drukknaðir í Bessastaðatjörn fyrr í dag. Hestarnir hafa farið út á ísinn einhvern síðustu daga og ísinn gefið eftir. Sjö hestanna voru í eigu Íshesta en fimm félaga í Hestamannafélaginu Sóti. Einar Bollason hjá Íshestum segir málið skelfilegt og að starfsmenn séu allir í losti vegna málsins. „Við vorum með 24 hesta á svokallaðri haustbeit hjá hestamannafélaginu Sóta og búin að vera með beitina þarna úti á Álftanesi í tugi ára. Þetta voru hestar sem við ætluðum að taka inn núna til að bæta við þá hesta sem við erum með í Hafnarfirði. Svo verið er að smala Bessastaðalandið í gær og þá kemur í ljós að það vantar þrettá hesta og þar af sjö hesta frá okkur. Þeir voru bara horfnir.“ Einar segir að menn hafi byrjað leitina aftur í birtingu í morgun. „Þeir fengu þyrluna frá Landhelgisgæslunni með sér í lið. Þetta var náttúrulega einn af möguleikunum að hestarnir hefðu farið út á ísinn á Bessastaðatjörn og farið niður þó það hafi aldrei nokkurn tímann gerst áður. Það var raunin. Þarna voru þeir allir í einni kös. Höfðu farið út á ísinn, hann gefið eftir, og þeir ekki náð að krafla sig aftur upp. Þetta er rétt frá landi.“ Hestarnir fundust með aðstoð þyrlu Landhelgisgæslunnar en hitamæli þyrlunnar var beitt til að finna hestana. „Það er ekki nema rúm vika síðan menn voru að gá að hestunum, þar af starfsmaður frá okkur, og allt var í toppstandi. Þannig að þetta hefur gerst einhvern síðustu daga.“Ung stúlka hafi misst báða reiðhestana sína í slysinuEinar segist ekki geta lýst því með orðum hvernig honum líður. „Menn bindast sterkum böndum við þessa hesta. Þetta er milli 80 og 90 sem fyrirtækið á, en það er náttúrulega unnið með á annað þúsund hestum yfir sumarið, en það er í sumarferðum þar sem bændur eru í raun verktakar fyrir okkur. Sumir af þessum hestum er búið að vera í okkar eigu í um fimmtán ár. Þú getur rétt ímyndað þér tengslin við starfsfólkið. Eins og ég sagði við mína starfsmenn þá má þakka guði fyrir að þetta séu ekki börnin okkar, en næsta skref við.“ Einar segir að ung stúlka hafi misst báða reiðhestana sína í slysinu. „Þú getur rétt ímyndað þér hvílíkt tjón það er. Þetta er svo svakalegt að maður veit ekkert hvað á að segja. Þetta er alveg skelfilegt.“ Atvinnutæki og vinirEinar segir hina hestana tilheyra ýmsum félögum í Sóta. „Meðal annars var verðlaunameri frá dóttur minni og tengdasyni sem þau stefndu hátt með. Þau fengu risatilboð síðastliðið sumar sem þau höfnuðu. Þú getur rétt ímyndað þér tjónið sem þau verða fyrir. Þetta eru okkar atvinnutæki en vinir okkar um leið en það er ekki síðra tjónið sem hinn almenni félagi í þessu hestamannafélagi verður fyrir. Missa kannski alla sína hesta, eða hvernig sem það lítur út.“Uppfært kl. 14:40. Hrafnhildur Brynja Stefánsdóttir, upplýsingafulltrúi Landhelgisgæslunnar, segir að Gæslan hafi verið í almennu gæsluflugi í morgun en frétt af málinu og því ákveðið að fljúga yfir svæðið. Í tilkynningu frá Gæslunni segir að að gefnu tilefni vilji Landhelgisgæslan benda á að þyrla hennar hafi ekki þátt í skipulagðri leit að hrossum á Álftanesi í morgun. „Hið rétta er að stjórnstöð Landhelgisgæslunnar vissi af leitinni og þegar þyrlan var á leið í reglubundið eftirlits- og gæsluflug var ákveðið að fljúga yfir svæðið. Áhöfn þyrlunnar kom fljótt auga á hrossinn í Bessastaðatjörn og tilkynnti það til stjórnstöðvar sem gerði lögreglu viðvart. Var síðan áfram haldið í fyrirhugað flug.“
Mest lesið „Sjaldan hefur stjórnmálamaður verið hamflettur jafn rækilega“ Innlent Lögregla dreifði gjörbreyttri mynd af díselþjófum Innlent Líkir aðferðum forstjóra Landsvirkjunnar við heimilisofbeldi Innlent „Það er rosalega ljótt að segja þetta en mér líður bara þannig“ Innlent „Hef ekki hitt neinn arkitekt sem finnst þetta góð hugmynd“ Innlent Dregur í land og segir Starmer og félaga verðlauna Hamas Erlent Í áfalli eftir að hafa fengið bréf frá árásarmanninum inn um lúguna Erlent Lét högg og spörk dynja á foreldrunum í tíu klukkustundir Innlent Létu sprengjum rigna á Kænugarð Erlent Meiddist á handlegg og fótum þegar glerhurð brotnaði Innlent Fleiri fréttir Lögregla dreifði gjörbreyttri mynd af díselþjófum Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Meiddist á handlegg og fótum þegar glerhurð brotnaði „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Rússnesk herflugvél mætt í Landeyjarnar „Ég held að þetta sé ekki bóla“ Kona flutt á spítala eftir fjóhjólaslys Vara við að gangast undir fegrunarmeðferðir hjá óviðurkenndum aðilum „Sjaldan hefur stjórnmálamaður verið hamflettur jafn rækilega“ Lét högg og spörk dynja á foreldrunum í tíu klukkustundir Barst tilkynning um olíustuld í Hafnarfirði „Léleg blaðamennska“ sem byggi á upphrópunum og hatri á atvinnulífi Ítrekað ofbeldi, skelfdur Íslendingur eftir skjálfta og padel-æði „Það þarf sennilega að moka þennan bíl upp“ Leggja stöðvunarkröfu á framkæmdir við Hvammsvirkjun Lögreglan leitar upplýsinga um þennan mann Lögreglan leitar þessara manna Eldur kviknaði í hjúkrunarheimili á Höfn Stöðfirðingar þreyttir á ferðamönnum sem geri þarfir sínar um allan bæ Fagnar tillögu Sigurjóns og segir veiðiráðgjöf Hafró ranga Langþreyttur á bensínbrúsum og „bílakirkjugarði“ Úkraínumenn vilja fá Íslendinga í almannavarnabandalag Risaskjálfti í Kyrrahafi og bensínbrúsabílar í Breiðholti Ákærð fyrir að bana föður og tilraun til að bana móður Skýrsla Guðlaugs Þórs frá 2018: „Aðildarviðræðunum var ekki formlega slitið“ Sjá meira