Mokuðu inn verðlaunum á opna sænska meistaramótinu

Keppendur úr Mjölni stóðu sig gríðarlega vel á móti í brasilísku Jiu-Jitsu í Svíþjóð um helgina.

Alls fékk íslenska liðið fjögur gull, fimm silfur og þrjú brons á þessu stærsta móti Norðurlandanna í brasilísku Jiu-Jitsu.

Í gær vann Marinó Kristjánsson gull og Sigurður Örn Alfonsson brons í -79 kg flokki drengja 16-17 ára.

Þá vann Kristján Helgi Hafliðason silfur í -74 kg flokki drengja í sama aldurshópi.

Dóra Haraldsdóttir vann brons í opnum flokki kvenna með blátt belti.

Loks unnu þeir Sindri Már Guðbjörnsson gull og Nils Alexander Nowenstein brons í opnum flokki hvítbeltinga.

Nánar upplýsingar og heildarúrslit má finna hér.