Króatískur landsliðsmaður beit andstæðing

Marko Kopljar, leikmaður franska stórliðsins PSG, fékk að líta rautt spjald í leik liðsins gegn Chambery á dögunum fyrir að bíta andstæðinginn.

Eins og sést á meðfylgjandi myndbandi var Kopljar að sækja að vörn Chambery þegar hann lenti á Bertrand Gille. Þeim lenti saman með þeim afleiðingum að Kopljar beit Gille í öxlina.

Gille sýndi dómrunum bitförin líkt og knattspyrnukapparnir Branislav Ivanovic og Giorgio Chiellini gerðu þegar þeir voru bitnir af Úrúgvæjanum Luis Suarez sem frægt er orðið.

Nú er beðið viðbragða franska handknattleikssambandsins sem og Handknattleikssambands Evrópu.