Alþjóðadagur lyfjafræðinga 25. september 2014

Lyfjafræðileg umsjá (e. pharmaceutical care) er mikilvægur heilbrigðisþáttur, og einn af fjölmörgum þáttum varðandi okkar eigin heilsu). Mikilvægt er að hver einstaklingur taki virkan þátt í eigin heilbrigði og sjálfsumönnun (e. self care).  (birt með góðfúslegu leyfi útgefenda og höfunda bókarinnar “Pharmaceutical Care Practice”)

Taktu ábyrgð á lyfjamálum þínum og aðstandenda þinna strax í dag. Skráðu markmið hverrar lyfjameðferðar og farðu reglulega yfir stöðu mála.

Lyfjafræðingar eru heilbrigðisstétt og taka virkan þátt í að styðja einstaklinga í átt að betri lífsgæðum með ýmsum hætti. Lyfjaráðgjöf er upplýsinga- og ráðgjafarsíða fyrir alla þá sem nota lyf eða hafa áhuga á lyfjum og lyfjatengdum málefnum. Síðan er ætluð sem upplýsingaveita og stuðningur fyrir almenning jafnt sem fagfólk, í daglegri lyfjaumsýslu. Lyfjafræðingar lyfjaráðgjafar veita lyfjafræðilega þjónustu til einstaklinga sem þangað leita. Lyfjafræðingur fer yfir lyf og lyfjamál einstaklinga, skráir markmið lyfjameðferðar í samvinnu við hvern einstakling og fylgir þeim eftir. Markmið þjónustunnar er að tryggja að lyf séu notuð á viðeigandi hátt, séu örugg og hagkvæm.

Einstaklingar sem nota lyf eða sinna ummönnum aðstandenda sinna, nota veraldarvefinn í leit að lyfjaupplýsingum. Leitarvélar eru notaðar í flestum tilvikum eða “googlað” eins og sagt er. Upplýsingar um lyf og lyfjatengd málefni í netheimum eru misgóðar eins og þær eru margar, og oft á tíðum mjög erfitt fyrir almenning að átta sig réttmæti þeirra upplýsinga sem skoðaðar eru, ásamt að greina á milli auglýsinga um lyf og óháðra gagnreyndra lyfjaupplýsinga.

Nokkuð er til af góðu efni um lyf á íslensku á vefnum. Sem dæmi má nefna að Lyfjabókin er á rafrænu formi og eins eru lyfjaupplýsingar, fræðsla og útgefið efni ætlaðar almenningi á vef Lyfjastofnunar. Landlæknir og Velferðaráðuneytið fjalla einnig reglulega um lyf og lyfjatengd málefni á heimasíðum sínum. Apótek hafa sum hver á heimasíðu sinni upplýsingar um lyf, lyfjaflokka og lyfjameðferðir og möguleiki er að senda inn rafrænar fyrirspurnir til lyfjafræðings eða hafa samband við þjónustuver símleiðis. Lyfjafræðingar veita gjarnan lyfjaupplýsingar og geta beint skjólstæðingum sínum á lyfjaupplýsingar á vefnum sem skipta máli og innihalda gagnreyndar óháðar upplýsingar.

Síða Lyfjaráðgjafar er viðbót við það óháða gagnreynda efni sem nú þegar er til fyrir íslenskan almenning og heilbrigðisstarfsfólk. Á síðunni eru ýmis almenn ráð um lyf og lyfjanotkun, ásamt upplýsingum um helstu innlendar sem erlendar nýjungar, fréttir og rannsóknir úr heimi lyfjamála og tengdu efni.

Dæmi um gagnleg ráð og  upplýsingar Lyfjaráðgjafar á íslensku:

-LYFJAKORT - rétt uppfærður lyfjalisti !

-TOPP TÍU ATRIÐI SEM NAUÐSYNLEGT ER AÐ VITA UM LYFIN ÞÍN.

-Spurningar fyrir lækninn minn eða lyfjafræðing.

-Skipulag lyfjamála einstaklinga

-ALGENG LYFJAATVIK OG RÁÐ VIÐ ÞEIM

-Lesum fylgiseðilinn !

-5 STUTTAR SPURNINGAR UM LYF OG MAT

-TOPP TÍU RÁÐ UM LYF OG FERÐALÖG

-Lyf og áfengi - lífshættuleg blanda

Almenn hagnýt lyfjaráð:

Hafðu gott skipulag á lyfjunum þínum, geymdu þau öll í upprunalegum umbúðum á einum stað t.d. í körfu, plastkassa með loki, í skúffu eða læstum skáp. Ef lyfin eru mörg og lyfjatímar margir er gott að skammta lyfin í lyfjabox. Lyf tekin einu sinni í viku eða sjaldnar er gott að merkja í dagatal. Lykilatriði er að koma sér upp KERFI sem virkar frá degi til dags.

Taktu ábyrgð á lyfjamálum þínum og aðstandenda þinna strax í dag ! Hafðu lyfin þín skráð og uppfærð á einum stað í lyfjakorti. Skráðu nafn lyfs, við hverju það er, skammtastærðir, hvernig það er notað, hvenær nota á hvert lyf fyrir sig. Gott er að hafa lyfjakortið ávallt við höndina, sérstaklega í heimsóknum til lækna og annarra heilbrigðisstarfsmanna og við komu á sjúkrahús.

Notkun lyfja getur verið tímabundið eða til lengri tíma, stundum ævilangt.

-Vertu viss um að þú skiljir öll lyfjafyrirmælin þín.

-Ekki vera feimin við að spyrja spurninga.

-Fáðu aðstoð frá heilbrigðisstarfsfólki.

-Lyfjafræðingar og lyfjatæknar svara gjarnan spurninum þínum um lyf og lyfjatengd málefni.

-Notaðu gátlista til þess að aðstoða ÞIG að halda utanum lyfjamálin ÞÍN

Lyfjaráðgjöf er óháð einkaframtak og hefur hlotið styrki frá sjóð um klíníska lyfjafræði hjá Lyfjafræðingafélagi Íslands og Atvinnumálum kvenna.

Netfang: lyfjaradgjof@gmail.com

Vefsíða: https://www.facebook.com/Lyfjaradgjof