Bólusetning gerir apa ónæma fyrir ebólu

Apar sem voru bólusettir gegn ebólu fengu langvarandi ónæmi fyrir veirunni. Rannsóknin, sem framkvæmd var af heilbrigðisstofnun Bandaríkjanna, hefur aukið vonir manna á því að niðurstöður rannsóknar á mönnum verði jákvæðar.

Rannsóknir á bólusetningum manna hófust í Bandaríkjunum í síðust viku og þær verða einnig framkvæmdar í Bretlandi og Vestur-Afríku. Samkvæmt Alþjóða heilbrigðisstofnuninni, eða WHO, hafa rúmlega tvö þúsund manns látið lífið vegna veirunnar.

Á vef BBC segir að nú séu nokkrar rannsóknir í framkvæmd, sem ætlað er að hjálpa við baráttuna við ebólu faraldurinn í Afríku.

Niðurstöður úr rannsókninni á öpunum hafi verið birtar á netinu. Fjórir apar voru bólusettir og fjórum vikum seinna voru þeir smitaðir af ebólu. Allir lifðu þeir það af, en þegar þeir voru aftur sprautaðir af veirunni tíu mánuðum seinna dóu tveir.

WHO segir að í nóvember verði ljóst hvort bólusetningin sé örugg manninum og reynist svo verði henni beitt í Afríku samstundis. Heilbrigðisstarfsmenn og aðrir sem berjist gegn útbreiðslu ebólu yrðu þeir fyrstu sem yrðu bólusettir.