Ofurmáninn heiðraði jarðarbúa

Þrátt fyrir að víða hafi verið skýjað hérlendis fóru jarðarbúar ekki varhluta af ofurmánanum sem lýsti upp næturhimininn í gærkvöldi en talið er að tunglið verði ekki jafn bjart næstu tuttugu árin.

Ofurmáninn stafar af nálægð tunglsins við jörðina og því virtist það óvenju­lega stórt við sjón­deild­ar­hring­inn í nótt.

Ofurmáninn í gærkvöldi er annar ofurmáninn af þremur í sumar og jafnframt sá bjartasti. Samkvæmt Nasa er ofurmáninn um 14 prósent stærri og 30 prósent bjartari en þegar tunglið er fjærst jörðu.

Hér að neðan má sjá hvernig máninn blasti við jarðarbúum í hinum ýmsu hornum heimsins.

Náðir þú mynd af ofurmánanum? Deildu henni endilega með okkur á ritstjorn visir.is.