Nadal-baninn ætlar sér á toppinn

Nick Kyrgios, 19 ára gamall Ástrali, gerði sér lítið fyrir og vann efsta mann heimslistans, Rafael Nadal, 7-6 (7-5), 5-7, 7-6 (7-5) og 6-3, á Wimbledon-mótinu í tennis í gær.

Úrslitin eru vægast sagt óvænt eins og gefur að skilja en Kyrgios er í 144. sæti á heimslistanum og er fyrsti maðurinn í sögunni utan 100 efstu sætanna sem vinnur efsta man á risamóti.

Það gerðist síðast þegar Jim Courier tapaði fyrir AndreiOlhovskiy árið 1992.

John McEnroe, fimmfaldur Wimbledon-meistari, sagði í gær að strákurinn gæti farið alla leið og unnið mótið en hann mætir Kanadamanninum MilosRaonic í átta manna úrslitum í dag.

Sjálfur setur Ástralinn markið hátt. „Ég vil verða besti tenniskappi heims og vera efstur á heimslistanum. Það er mitt markmið. Það hefur aldrei neitt svona komið áður fyrir mig í lífinu,“ sagði hann eftir sigurinn í gær.

Kyrgios tapaði fyrir John Patrick Smith, sem er númer 185 á heimslistanum, fyrir þremur vikum síðan en vann svo þann besta í gær.

„Þetta er einfaldlega ótrúlegt. Mér datt aldrei í hug eftir viðureignina gegn Smith að ég yrði kominn í átta manna úrslit á Wimbledon þremur vikum síðar,“ sagði Nick Kyrgios.