Leitin að Ástu Stefánsdóttur hefur staðið yfir í rúmar tvær vikur en engan árangur borið. Ástkona hennar, Pino Becerra Bolanos, fannst látin á fyrsta leitardegi.



Þær Ásta og Pino dvöldu í sumarbústað í Fljótshlíð yfir hvítasunnuhelgina og talið er að þær hafi fengið sér göngu sunnudagsmorguninn 8. júní í átt að Bleiksárgljúfri þar sem föt þeirra fundust. Lík Pino fannst í gljúfrinu en ítarleg leit að Ástu, bæði í gljúfrinu og á stóru svæði í kring, hefur ekki borið árangur.



Síðasta hálmstráið er aðgerð sem að öllum líkindum verður farið í á laugardag og gengur út á að veita hyl fyrir ofan foss í gljúfrinu frá til að skoða 10 metra langan berggang sem ekki hefur verið unnt að skoða hingað til.



Hvarfið hefur vakið mikinn ugg meðal landsmanna og íbúar á svæðinu segjast eitt spurningarmerki. Ísland í dag fór austur og kynnti sér leitina eins og sjá má í myndbandinu að ofan.