Innlent

"Það er ekkert að marka þetta"

Kjartan Atli Kjartansson skrifar
S. Björn Blöndal bíður rólegur eftir nýjum tölum.
S. Björn Blöndal bíður rólegur eftir nýjum tölum. Vísir/Daníel

„Það er ekkert að marka þetta,“ segir S. Björn Blöndal, oddviti Bjartrar Framtíðar, um fyrstu tölur í borgarstjórnarkosningunum sem birtust nú fyrir skemmstu .

Björt framtíð er með 14,8 prósent fylgi, sem er talsvert minna en flokkurinn mældist með í skoðanakönnunum. Flokkurinn fær tvo borgarfulltrúa en Besti flokkurinn, sem er fyrirrennari Bjartrar framtíðar var með fimm fulltrúa á kjörtímabilinu sem nú er að ljúka.

„Ég held að okkar fólk hafi farið í „bröns“ áður en það fór á kjörstað og því koma atkvæðin þeirra seinna,“ segir hann léttur. Hann segir sitt fólk í Bjartri framtíð ekki hafa áhyggjur af þessum tölum. „Nei, við erum bara að skemmta okkur hérna á Hótel Borg. Stemningin verður fín fram eftir nóttu, ég er alveg viss um það. Við bíðum bara eftir því að fleiri atkvæði verði talin,“ segir hann.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.