Viðskipti innlent

Eignir LBI erlendis og hafa engin áhrif á greiðslujöfnuð

Þorbjörn Þórðarson skrifar
Stærstur hluti allra gjaldeyriseigna slitabús Landsbankans er vistaður á bankareikningum erlendis og undanþága vegna útgreiðslu þeirra hefur ekki nein áhrif á greiðslujöfnuð landsins.

Enginn krónuvandi hjá Landsbankanum

Það sem er sérstakt við eignasafn slitabús gamla Landsbankans, LBI, er að krónuvandinn svokallaði er ekki fyrir hendi. Ekki þarf að skipta neinum krónum í erlendan gjaldeyri eins og hjá Kaupþingi og Glitni. Eignir LBI eru aðallega gjaldeyrir, vegna afborgana af lánasöfnum í erlendri mynt, og að verulegu leyti á bankareikningum erlendis.

Um er að ræða eignir sem voru til fyrir hrun og áður en gjaldeyrishöftum var komið á. LBI þarf hins vegar undanþágu frá höftum til að greiða út kröfur þótt eignirnar séu erlendis því LBI er íslenskur lögaðili.

Í síðustu viku var tilkynnt um samninga Landsbankans við LBI um lengingu á skuldabréfum að jafnvirði 226 milljarða króna. Þetta var gert með skilmálabreytingu og afborgunum var frestað um átta ár. Síðasta afborgun þessara skuldabréfa verður á árinu 2026 í stað ársins 2018.

Til þess að samkomulagið taki gildi þarf LBI undanþágu frá gjaldeyrishöftum hjá stjórnvöldum, en ákvörðun um slíka undanþágu er tekin af Seðlabankanum og fjármálaráðherra.

Í tengslum við lengingu á skuldabréfum Landsbankans við LBI var skilyrðið fyrir undanþágu frá höftunum þríþætt:

a) Að fyrirliggjandi undanþágur LBI, sem þegar hafa verið lagðar inn í Seðlabankann, verði veittar vegna gjaldeyris í eigu búsins, en um er að ræða beiðni frá því í fyrra upp á jafnvirði 130 milljarða króna og svo aðra beiðni sömu fjárhæðar.

b) Að gjaldeyrir sem komi frá Landsbankanum í afborganir af skuldabréfunum fari úr landi.

c) Og að fyrirheit verði gefin um að frekari undanþágur verði veittar þegar þar að kemur.

Ógreiddar forgangskröfur að jafnvirði 610 milljarða króna

Áætlaðar endurheimtur slitabús Landsbankans, LBI, nema jafnvirði 1534 milljörðum króna. Þar af eru forgangskröfur 1326 milljarðar og almennar kröfur 208 milljarðar. Enn eru ógreiddar forgangskröfur upp á 610 milljarða. Þetta er allt vegna Icesave-innistæðna. 

Heiðar Guðjónsson hagfræðingur hefur hvatt stjórnvöld til að hafna undanþágu fyrir LBI. Verði þessari undanþágu hafnað þá fá hollenski seðlabankinn, tryggingarsjóður innistæðueigenda í Bretlandi og fjölmörg sveitarfélög sem hafa ekki enn fengið tjón sitt vegna Icesave að fullu bætt, ekki kröfur sínar greiddar.

Eygló Harðardóttir félagsmálaráðherra birti þessa grein þegar Landsbankasamningurinn var höfn. Þar segir hún m.a.: „Í mínum huga kemur ekkert annað til greina en að tryggja að þrotabú gömlu bankanna fái ekki heimildir til gjaldeyrisútflæðis fyrr en heildstæð áætlun um losun hafta liggur fyrir. Heildstæð áætlun sem ógnar ekki greiðslujöfnuði landsins og þar með efnahagslegum stöðugleika.“

Grein Eyglóar birtist í tiltefni af samkomulagi Landsbankans og LBI. Í grein hennar má lesa skýra andstöðu við undanþágu fyrir LBI fyrr en „heildstæð áætlun“ liggur fyrir. 

Gjaldeyriseignir LBI hafa hins vegar engin áhrif á greiðslujöfnuð þjóðarbúsins. Þær eru nær allar vistaðar á bankareikningum erlendis og útgreiðsla á þeim hefur því engin áhrif. Þetta er skilningur bæði hagfræðinga hjá Seðlabankanum og hagfræðinga í Háskóla Íslands sem fréttastofan hefur leitað til. 


Tengdar fréttir

Stórt skref í afnámi fjármagnshafta

Landsbankinn og slitastjórn gamla Landsbankans hafa komist að samkomulagi um breytingar á uppgjörsskuldabréfum, en eftirstöðvar þeirra eru um 226 milljarðar króna.

Fjármálaráðherra þarf að staðfesta samning Landsbankans

Landsbankinn og slitastjórn gamla Landsbankans náðu í gær samkomulagi um breytingar á skuldabréfum að verðmæti 226 milljarða króna. Ekki tímabært að segja hvort samþykki verði gefið, segir fjármálaráðherra.

Lánalenging Landsbanka skref í rétta átt

Forstöðumaður efnahagssviðs SA segir að samningur milli gamla og nýja Landsbankans færi okkur nær því að losa höftin. Undanþágur frá gjaldeyrislögum eru skilyrði en seðlabankastjóri segir of snemmt að álykta um hvort þær verði veittar.






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
3,82
19
670.520
MAREL
1,72
88
883.907
EIM
1,33
9
58.796
ICEAIR
1,1
118
837.465
ISB
0,96
66
237.933

Mesta lækkun dagsins


Félag
Br.%
Fjöldi
Velta*
ICESEA
-1,27
13
21.740
EIK
-0,81
3
717
BRIM
-0,68
9
151.875
SJOVA
-0,51
10
48.526
HAGA
-0,39
12
340.369
Velkomin á Vísi. Þessi vefur notar vafrakökur. Sjá nánar.