Íslendingar spenntir fyrir iJustine

YouTube-stjarnan iJustine og systir hennar Jenna taka á móti aðdáendum sínum í Smáralind í dag klukkan þrjú, nánar tiltekið við Smáratívolíið.

Ef marka má Facebook-viðburð fyrir herlegheitin eru Íslendingar spenntir fyrir því að hitta systurnar og hafa tæplega tvö hundruð manns staðfest komu sína í verslunarmiðstöðina í dag.

Jenna og iJustine eru hér á landi í kynningarferð fyrir DVD-útgáfu kvikmyndarinnar The Secret Life of Walter Mitty og er hægt að fylgjast með ferðum þeirra á YouTube. 

iJustine á tæplega tvær milljónir fylgjenda á YouTube en hún byrjaði að gera myndbönd árið 2006.