Umfjöllun og viðtöl: Valur - Fram 26-19 | Íslandsmeistarar Fram úr leik Guðmundur Marinó Ingvarsson í Vodafone-höllinni skrifar 14. apríl 2014 17:53 Vísir/Valli Valur lagði Fram 26-19 í síðustu umferð Olís deildar karla í handbolta í kvöld. Valur hafnar því í þriðja sæti deildarinnar en Fram missir af úrslitakeppninni. Fram þurfti að vinna til að tryggja sér sæti í úrslitakeppninni og mætti liðið staðráðið ákveðið til leiks og byrjaði leikinn betur. Valur réð illa við framliggjandi vörn Fram og tapaði hverjum boltanum af fætur öðrum. Sóknir Vals voru hægar og tóku leikmenn liðsins ranga ákvörðun trekk í trekk. Mikil orka fór í að leika þessa vörn og hægðist á leik Fram er leið á fyrri hálfleik. Það nýtti Valur sér með því að leika öflugan varnarleik og fá nokkur hraðaupphlaup sem skilaði Val eins marks forystu í hálfleik 12-11. Líkt og í byrjun leiks mætti Fram mjög ákveðið til leiks í seinni hálfleik. Fram lék langar sóknir og góða vörn. Fram náði þriggja marka forystu en líkt og í fyrri hálfleik gaf liðið eftir um miðbik hálfleiksins og Valur gekk á lagið og komst yfir á nýjan leik. Hlynur Morthens lokaði marki Vals og skoraði Fram aðeins þrjú mörk síðustu 19 mínútur leiksins. Það dugir ekki til sigurs og vann Valur að lokum sannfærandi þrátt fyrir slaka byrjun á báðum hálfleikum. Valur mætir ÍBV í undanúrslitum Olís deildarinnar en Fram er úr leik. Hlynur: Spenntari að mæta ÍBV„Við vildum bara vinna. Fram var búið að vinna okkur tvisvar í deildinni og við vildum ná einum sigri á móti þeim og ná þriðja sætinu,“ sagði Hlynur Morthens markvörður Vals sem lokaði markinu í seinni hálfleik í kvöld. Valur gat í raun valið sér andstæðing í átta liða úrslitum en það hafði ekki áhrif á spilamennsku liðsins í kvöld. Hlynur vildi að minnsta kosti frekar fá liðið sem sigurinn skilaði. „Ég var spenntari að mæta ÍBV, það hefur gengið betur gegn þeim fyrir utan síðasta leik. „Sóknarleikurinn í byrjun var vandræðalegur. Þetta kom þegar við vorum búnir að ná að berja á þeim og þreyta þá. „Við vorum ekki búnir að vinna í þremur síðustu leikjum og það er gott að fara með sigur í farteskinu inn í úrslitakeppnina. Þetta léttir vikuna sem er framundan. Ekki veitir af að létta aðeins á þjálfurunum. „Þeir eru alltaf brjálaðir yfir öllu og það er aldrei neitt nógu gott fyrir þá en það verður vonandi létt yfir þeim í vikunni,“ sagði Hlynur glettinn að lokum. Guðlaugur: Tapaðist ekki bara hérna„Það er alltaf sárt að tapa og að tímabilið sé búið. Eftir langt og á margan hátt gott tímabil er ömurlegt að horfa til þess að þetta sé búið,“ sagði Guðlaugur Arnarsson þjálfari Fram. „Við höfum verið í öðru til fjórða sæti í mest allan vetur og því er þetta ennþá súrara að komast ekki þarna inn. En ég er engu að síður gríðarlega stoltur af mínum strákum.“ Fram kom inn í mótið sem ríkjandi Íslandsmeistari en liðið missti bróður partinn af liðinu sem landaði titlinum stóra fyrir ári síðan og bjuggust í raun fáir við því að Fram myndi ná svona langt. Segja má þó að heimaleikurinn á fimmtudaginn gegn ÍR hafi verið leikurinn sem réði úrslitum fyrir Fram að lokum þó liðið hafi enn átt möguleika í kvöld. „Það var í raun mikilvægari leikur fyrir okkur. Það er alltaf erfitt að sækja Val heim þó við höfum unnið þá áður í vetur og við höfðum trú á því. „Það eru strákar í mínu liði sem eru að fórna sér hér í kvöld með háan hita og rétt að stíga upp úr ælu pest. Þeir höfðu því miður ekki kraftinn í þetta. Við þurftum á því að halda að hafa menn á sínu allra besta. „Þeir vita hverjir þeir eru og eru hetjur. En þetta tapaðist ekki bara hérna. Það er heimaleikurinn gegn ÍR, leikur fyrr í vetur gegn HK. Við getum horft á stig hér og þar sem við áttum að taka, þá værum við í betri stöðu hér í kvöld,“ sagði Guðlaugur sem bætti þó við að það var ekki bara þrek hans mann sem réði úrslitum í kvöld. „Helvítið hann Hlynur Morthens, gamli liðsfélagi minn. Hann kom reyndar til mín eftir leikinn og bað mig afsökunnar og ég virði það við hann.“ Olís-deild karla Mest lesið Usyk fyrstur til að vinna Fury Sport Var spáð falli en eru á leið í Meistaradeildina Fótbolti Telur að Usyk hafi unnið vegna stríðsins í Úkraínu Sport Tapið í gær þýðir að Kane missir af enn einum titlinum Fótbolti Klopp segir að Liverpool verði í góðum höndum hjá Slot Enski boltinn „Eins og að spila við landslið Þýskalands nasismans“ Sport Guðni Valur Norðurlandameistari Sport Daníel stórbætti þrjátíu ára Íslandsmet Jóns Arnars Sport Ten Hag segir United í betri stöðu en fyrir ári Enski boltinn Dagskráin í dag: Sófasunnudagur frá morgni til kvölds Sport Fleiri fréttir Strákarnir hans Gumma komu til baka í öðrum spennutrylli Mættust síðast í úrslitum fyrir aldarfjórðungi Uppgjörið, viðtöl og myndir: Valur - Olympiacos 30-26 | Einum leik frá Evróputitli Ómar og Viggó röðuðu inn mörkum í sigrum Bjarki og félagar í úrslit eftir öruggan sigur „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Sjá meira
Valur lagði Fram 26-19 í síðustu umferð Olís deildar karla í handbolta í kvöld. Valur hafnar því í þriðja sæti deildarinnar en Fram missir af úrslitakeppninni. Fram þurfti að vinna til að tryggja sér sæti í úrslitakeppninni og mætti liðið staðráðið ákveðið til leiks og byrjaði leikinn betur. Valur réð illa við framliggjandi vörn Fram og tapaði hverjum boltanum af fætur öðrum. Sóknir Vals voru hægar og tóku leikmenn liðsins ranga ákvörðun trekk í trekk. Mikil orka fór í að leika þessa vörn og hægðist á leik Fram er leið á fyrri hálfleik. Það nýtti Valur sér með því að leika öflugan varnarleik og fá nokkur hraðaupphlaup sem skilaði Val eins marks forystu í hálfleik 12-11. Líkt og í byrjun leiks mætti Fram mjög ákveðið til leiks í seinni hálfleik. Fram lék langar sóknir og góða vörn. Fram náði þriggja marka forystu en líkt og í fyrri hálfleik gaf liðið eftir um miðbik hálfleiksins og Valur gekk á lagið og komst yfir á nýjan leik. Hlynur Morthens lokaði marki Vals og skoraði Fram aðeins þrjú mörk síðustu 19 mínútur leiksins. Það dugir ekki til sigurs og vann Valur að lokum sannfærandi þrátt fyrir slaka byrjun á báðum hálfleikum. Valur mætir ÍBV í undanúrslitum Olís deildarinnar en Fram er úr leik. Hlynur: Spenntari að mæta ÍBV„Við vildum bara vinna. Fram var búið að vinna okkur tvisvar í deildinni og við vildum ná einum sigri á móti þeim og ná þriðja sætinu,“ sagði Hlynur Morthens markvörður Vals sem lokaði markinu í seinni hálfleik í kvöld. Valur gat í raun valið sér andstæðing í átta liða úrslitum en það hafði ekki áhrif á spilamennsku liðsins í kvöld. Hlynur vildi að minnsta kosti frekar fá liðið sem sigurinn skilaði. „Ég var spenntari að mæta ÍBV, það hefur gengið betur gegn þeim fyrir utan síðasta leik. „Sóknarleikurinn í byrjun var vandræðalegur. Þetta kom þegar við vorum búnir að ná að berja á þeim og þreyta þá. „Við vorum ekki búnir að vinna í þremur síðustu leikjum og það er gott að fara með sigur í farteskinu inn í úrslitakeppnina. Þetta léttir vikuna sem er framundan. Ekki veitir af að létta aðeins á þjálfurunum. „Þeir eru alltaf brjálaðir yfir öllu og það er aldrei neitt nógu gott fyrir þá en það verður vonandi létt yfir þeim í vikunni,“ sagði Hlynur glettinn að lokum. Guðlaugur: Tapaðist ekki bara hérna„Það er alltaf sárt að tapa og að tímabilið sé búið. Eftir langt og á margan hátt gott tímabil er ömurlegt að horfa til þess að þetta sé búið,“ sagði Guðlaugur Arnarsson þjálfari Fram. „Við höfum verið í öðru til fjórða sæti í mest allan vetur og því er þetta ennþá súrara að komast ekki þarna inn. En ég er engu að síður gríðarlega stoltur af mínum strákum.“ Fram kom inn í mótið sem ríkjandi Íslandsmeistari en liðið missti bróður partinn af liðinu sem landaði titlinum stóra fyrir ári síðan og bjuggust í raun fáir við því að Fram myndi ná svona langt. Segja má þó að heimaleikurinn á fimmtudaginn gegn ÍR hafi verið leikurinn sem réði úrslitum fyrir Fram að lokum þó liðið hafi enn átt möguleika í kvöld. „Það var í raun mikilvægari leikur fyrir okkur. Það er alltaf erfitt að sækja Val heim þó við höfum unnið þá áður í vetur og við höfðum trú á því. „Það eru strákar í mínu liði sem eru að fórna sér hér í kvöld með háan hita og rétt að stíga upp úr ælu pest. Þeir höfðu því miður ekki kraftinn í þetta. Við þurftum á því að halda að hafa menn á sínu allra besta. „Þeir vita hverjir þeir eru og eru hetjur. En þetta tapaðist ekki bara hérna. Það er heimaleikurinn gegn ÍR, leikur fyrr í vetur gegn HK. Við getum horft á stig hér og þar sem við áttum að taka, þá værum við í betri stöðu hér í kvöld,“ sagði Guðlaugur sem bætti þó við að það var ekki bara þrek hans mann sem réði úrslitum í kvöld. „Helvítið hann Hlynur Morthens, gamli liðsfélagi minn. Hann kom reyndar til mín eftir leikinn og bað mig afsökunnar og ég virði það við hann.“
Olís-deild karla Mest lesið Usyk fyrstur til að vinna Fury Sport Var spáð falli en eru á leið í Meistaradeildina Fótbolti Telur að Usyk hafi unnið vegna stríðsins í Úkraínu Sport Tapið í gær þýðir að Kane missir af enn einum titlinum Fótbolti Klopp segir að Liverpool verði í góðum höndum hjá Slot Enski boltinn „Eins og að spila við landslið Þýskalands nasismans“ Sport Guðni Valur Norðurlandameistari Sport Daníel stórbætti þrjátíu ára Íslandsmet Jóns Arnars Sport Ten Hag segir United í betri stöðu en fyrir ári Enski boltinn Dagskráin í dag: Sófasunnudagur frá morgni til kvölds Sport Fleiri fréttir Strákarnir hans Gumma komu til baka í öðrum spennutrylli Mættust síðast í úrslitum fyrir aldarfjórðungi Uppgjörið, viðtöl og myndir: Valur - Olympiacos 30-26 | Einum leik frá Evróputitli Ómar og Viggó röðuðu inn mörkum í sigrum Bjarki og félagar í úrslit eftir öruggan sigur „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Sjá meira