JÖR fékk Menningarverðlaun DV

Menningarverðlaun DV voru afhent í 35. skipti í Iðnó í dag og var það Guðmundur Jörundsson, fatahönnuður sem hlaut Menningarverðlaunin í sínum flokki.

Alls eru það níu flokkar sem verðlaunin eru veitt í, en einn af þeim er hönnun.

„Þetta var alveg stórkostlegur hópur“ segir Guðmundur um alla þá sem tilnefndir voru. „Við erum mjög þakklát fyrir sýndan heiður.“

Aðrir sem hlutu verðlaun í sínum flokki voru til dæmis Atli Rafn Sigurðsson fyrir hlutverk sitt í Englum Alheimsins í flokki leiklistar og Sjón fyrir skáldsöguna Mánasteinn í flokki bókmennta.

Lista yfir alla vinningshafanna má finna á heimasíðu DV.