Ekkert þokast í samkomulagsátt í kjaradeilu undirmanna á Herjólfi

Ekkki hefur verið boðað til nýs samningafundar í kjaradeilu undirmanna á Herjólfi, eftir að síðasta fundi lauk án árangurs. Vegna aðgerða undirmannanna siglir ferjan aðeins eina ferð á dag til Þorlákshafnar og ekkert um helgar.

Bókað var í bæjarráði Vestmannaeyja í gærkvöldi að nú þegar sé skaðinn af þessu orðinn verulegur og óþægindi mikil.

Því sé mikilvægt að samningar dragist ekki frekar og býður bæjarráð fram húsakynni Vestmannaeyjabæjar undir frekari samningafundi, til að deilendur átti sig á mikilvægi þess að samið verði sem fyrst, en Samtök atvinnulífsins og Sjómannafélag Íslands hafa haldið fundi sína í Reykjavík til þessa.