Innlent

Mikil hætta á lekandafaraldri

Kjartan Hreinn Njálsson skrifar

Aukin tíðni ónæmis hjá lekanda-smituðum einstaklingum skapar verulega hættu á faraldri hér á landi, þá sérstaklega með auknum ferðalögum íslendinga til Asíu, Bandaríkjanna og Austur-Evrópu. Lekandi er afar óútreiknanleg baktería.

Sá sem smitast af lekanda í dag er í raun ekki að smitast af sömu bakteríu og var uppi fyrir nokkrum árum.Ónæmi fyrir sýklalyfjum fylgir þessu og í dag er talið að um tíu prósent allra smita séu ónæm fyrir fúkkalyfjum.

Í nýlegri og einstakri rannsókn Miðstöðvar sjúkdómavarna í Bandaríkjunum kemur fram að um átta hundruð og tuttugu þúsund smit eigi sér stað árlega í landinu.

Þar af eru fimmtíu og fjögur þúsund smit sem erfitt er að lækna með hefðbundnum aðferðum. Ástæðuna fyrir þessu má rekja til frjálslegrar notkunar sýklalyfja. Lekandi er ekki vandamál á Íslandi en með auknum ferðalögum og aukinni tíðni ónæmis er hættan mikil.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.