Eik Gísladóttir á forsíðu Lífsins

Myndbandið er úr forsíðumyndatöku Lífsins í vikunni, en forsíðuna að þessu sinni prýðir Eik Gísladóttir og myndataka er í höndum Stefáns Karlssonar, ljósmyndara.

Eik er nýflutt heim eftir 15 ára dvöl í útlöndum ásamt eiginmanni sínum, Heiðari Helgusyni. Hún er ánægð með að vera komin heim eftir ævintýraríka dvöl erlendis og tilbúin í nýja tíma á Íslandi.

Hún segir frá fótboltalífinu á Englandi, nýjum áskorunum og hversu gott það er að vera komin heim í forsíðuviðtali Lífsins sem kemur með Fréttablaðinu á morgun.  

„Eftir fimmtán ár erlendis fann ég að þetta var komið gott. Ekki misskilja mig, mér fannst æði að vera úti og það var frábært ævintýri. Mig langaði hins vegar að strákarnir mínir yrðu íslenskir. Við Heiðar vorum orðin ryðguð í íslenskunni og strákarnir okkar orðnir miklir Englendingar. Þeir töluðu íslensku aðeins við okkur inni á heimilinu og orðaforði okkar hafði minnkað í samræmi við það. Það er mjög mikilvægt fyrir mig að þeir kunni íslenskuna almennilega enda er menntun númer eitt, tvö og þrjú hjá mér. Þannig er ég alin upp.“