Áttatíu prósent leikskólabarna læs

Áttatíu prósent barna í svokölluðum skólahópi barna í leikskólanum Heiðarseli í Reykjanesbæ eru læs. Mikil áhersla er lögð á læsi í leikskólanum sem skilar sér í þessum eftirtektarverða árangri.

Í fréttatilkynningu frá Reykjanesbæ kemur fram að Gylfi Jón Gylfason, fræðslustjóri Reykjanesbæjar, þakkar þennan góða árangur markvissri vinnu kennara og góðu samstarfi við fjölskyldur barnanna. Þar kemur einnig fram að Reykjanesbæ, Garði og Sandgerði starfa leikskólar eftir sameignlegri framtíðarsýn, með áherslu á lestur og stærðfræði.

Þessi grunnvinna gerir börnin betur undirbúin fyrir grunnskólagöngu, segir einnig í fréttatilkynningunni.