70% vilja auka framlög ríksins til háskólanna

Í könnun sem Capacent vann fyrir Viðskiptaráð Íslands í janúar um afstöðu almennings til menntamála og stöðu háskóla á Íslandi kemur fram að mikill meirihluti landsmanna, um 70%, er hlynntur auknu framlagi ríkisins til reksturs háskóla landsins.

Það er nær helmingi hærra hlutfall en þeir sem telja æskilegt að bæta rekstrarstöðu háskóla með innheimtu skólagjalda. Vísir hefur greint frá því að 51% þeirra sem tóku þátt í könnuninni þótti sá kostur fýsilegur. Viðlíka margir aðspurðra eru hlynntir sameiningu háskóla landsins í 2 til 3 og því að auka framlög ríkisins eða um 65-70%.

Um 37% svarenda hugnaðist að minnka framboð af námsbrautum í háskólunum.

Einnig sýndi könnunin fram á að um 60% töldu að stytta ætti nám á framhaldsskólastigi um eitt ár en einungis 41% vildu stytta grunnskólanámið um eitt ár.

Viðhorfskönnunin var framkvæmd á dögunum 16.-26. janúar og var úrtakið valið af handahófi úr Viðhorfahópi capacent. Úrtakið var 1400 manns og svarhlutfallið var 59.4%.