Gunnar Axel í fyrsta og Margrét Gauja í öðru

Gunnar Axel Axelsson bæjarfulltrúi náði fyrsta sæti í flokksvali Samfylkingarinnar í Hafnarfirði. Úrslit lágu fyrir á ellefta tímanum í gærkvöldi. Rúmlega 900 manns tóku þátt í flokksvalinu sem er um 33 prósenta kjörsókn.

Í öðru sæti er Margrét Gauja Magnúsdóttir bæjarfulltrúi. Bæði Margrét Gauja og Gunnar Axel sóttust eftir fyrsta sætinu.

Í þriðja sæti verður Adda María Jóhannsdóttir framhaldsskólakennari og Eyjólfur Sæmundsson bæjarfulltrúi er í fjórða sæti.