Cheryl Cole lætur ganga á eftir sér

Bresku tónlistarkonunni Cheryl Cole hefur verið boðið tæpar 380 milljónir króna fyrir að snúa aftur í dómarasætið í The X Factor UK. Hin þrítuga Cole mun þá koma í stað Nicole Scherzinger.

Heimildarmenn Heat Magazine segja að Simon Cowell, sem er einnig á leið á ný í dómarasætið í X Factor, sé búinn að bjóða Cole fé og önnur fríðindi snúi hún aftur. Þá er einnig talið að hún verði að snúa aftur í dómarasætið svo að tónlist hennar verði vinsæl.

Heimildarmenn halda því fram að Cowell hafi mikla trú á að áhorfið á X Factor aukist enn og aftur snúi Cole aftur. Þá telja heimildarmenn að hann hafi meðal annars boðið henni aðgang að einkaþotu sinni snúi hún aftur.

Fyrir skömmu birti Cole mynd af sér með Cowell á Instagram aðgangi sínum sem ýtt hefur undir þær sögusagnir að hún muni snúa á ný.