Drykkjuleikur fer eins og eldur í sinu um netheima

Leikur sem gengur út á það að skora á aðila hefur farið eins og eldur í sinu um netheima síðastliðna daga.

Leikurinn gengur út á að skora á fólk að drekka einhverskonar vökva, þá einna helst áfengan, á eins stuttum tíma og hægt er. Fólk myndar athæfið, setur á Facebook eða Youtube og skorar á aðra aðila til þess að gera slíkt hið sama og fá þau 24 klukkustundir til þess að taka áskoruninni.

Að minnsta kosti fimm manns, undir þrítugu víðsvegar um heiminn, hafa látist af völdum leiksins og er fólk varað við að taka þátt í leikjum sem þessum. CNN greinir frá því.

Ísland er ekki undanskilið þegar kemur að drykkjuleiknum. Nokkrir íslenskir körfuboltamenn hafa til að mynda tekið þátt og skorað á félaga sína. Þeirra á meðal er Magnús Þór Gunnarsson, fyrrverandi landsliðsfyrirliði og þriggja stiga skytta úr Keflavík. Hægt er að sjá myndbandið hér.