Innlent

Héraðsdómur staðfestir ákvörðun sýslumanns í Eirarmáli

Jóhanna Margrét Einarsdóttir skrifar
Héraðsdómur Reykjavíkur hefur fellt úrskurð í máli þar sem tekist var á um hvort rétt hafi verið staðið að veðsetningu á fasteignum Eirar til Íbúðalánasjóðs.
Héraðsdómur Reykjavíkur hefur fellt úrskurð í máli þar sem tekist var á um hvort rétt hafi verið staðið að veðsetningu á fasteignum Eirar til Íbúðalánasjóðs.
 „Fyrstu viðbrögð eru að niðurstaðan kemur á óvart,  ég á hins vegar eftir að fara betur yfir úrskurðinn,“ segir Sigríður Kristinsdóttir hæstaréttarlögmaður.

Héraðsdómur Reykjavíkur staðfesti í dag ákvörðun Sýslumannsins í Reykjavík um synja  Guðlaugu Guðrúnu Torfadóttur og Guðmundi Geir Jónssyni um að afmámá úr þinglýsingabók 126 veðskuldabréf af fasteignunum Hlaðhömrum 2 í Mosfellsbæ og Fróðengi 1,3 og 5 í Reykjavík.

Málið er hluti af Eirarmálinu svokallaða.

Fyrir dómi var tekist á um hvort að afla hafi þurft samþykkis sýslumanns til veðsetningar á fasteignum hjúkrunarheimilisins Eirar á ofangreindum fasteignum til Íbúðalánasjóðs.

Héraðsdómur sker ekki úr um það atriði. Í úrskurðinum segir að þar af leiðandi verði ekki fallist á það að færslur þinglýsingarstjóra á veðskuldabréfum hafi verið rangar eða gerðar fyrir mistök.  Kröfu Guðlaugar og Guðmundar er því hafnað. Málskostnaður var felldur niður.


Tengdar fréttir

Bíða enn eftir gögnum frá Eir

Nokkrir fyrrverandi íbúar á hjúkrunarheimilinu Eir, sem enn eiga eftir að fá greiddar um samtals tvöhundruð milljónir fyrir búseturétt, eru ósáttir við sáttarleið stjórnarinnar. Lögmaður segir gjaldþrot ekki endilega verri kostinn en mjög illa hefur gengið að fá gögn frá heimilinu til að varpa ljósi á stöðuna.

Heimilisfólki á Eir stillt upp við vegg

Ríkið ætlar ekki að hlaupa undir bagga með hjúkrunarheimilinu Eir. Samþykki íbúar ekki langtímaskuldabréf blasir við gjaldþrot Eirar

Sighvatur segir marga í sömu stöðu og fólkið á Eir

Sighvatur Björgvinsson fyrrverandi heilbrigðisráðherra Alþýðuflokksins segist vita til þess að stór hópur eldri borgara sé í svipuðum sporum og þeir sem gerðu samninga við hjúkrunarheimilið EIR og töpuðu stórum hluta af ævisparnaði sínum.

Í mál við Eir vegna innlyksa sparifjár

Maður og kona sem eiga inni tugi milljóna hjá hjúkrunarheimilinu Eir telja kröfuhöfum hafa verið mismunað. Eir greiddi niður lán á meðan fólk sem átti inni búseturéttargreiðslur fékk ekkert. 11 manns eiga þegar að hafa fengið 200 milljónir.

Mest lesið


Fleiri fréttir

Sjá meira


×

Mest lesið