Alþjóðadagur hamingjunnar

Í dag er Alþjóðadagur hamingjunnar á vettvangi Sameinuðu þjóðanna haldinn í annað skipti.

Hamingja hefur allt of lengi verið tengd í hugum manna við auð, neysluvöru, tísku eða hagvöxt.

Fram kemur í frétta á síðu upplýsingaskrifstofu Sameinuðu Þjóðanna fyrir Vestur Evrópu að margt bendi til þess að fólk upplifi hamingju í sívaxandi mæli án þess að tengja hana við efnisleg gæði.

Í ávarpi sínu á Alþjóðlega hamingjudaginn 2014 nálgast Ban Ki-moon, framkvæmdastjóri Sameinuðu þjóðanna þessa hugsun með því að skilgreina þrjár „vergrar alþjóðlegrar hamingju” en þær eru félagsleg- efnahagsleg og umhverfisvæn hagsæld.

Hamingjuvísitalan er tilraun til þess að setja hið mannlega í forgang í þróunarstarfi með því að spyrja spurningarinnar: „Mun þetta færa okkur hamingju?”

Þetta ætti að tryggja að þróun miði að því að bæta hlutskipti mannsins en miði ekki eingöngu að tölulegum gróða.

Sameinuðu þjóðirnar hafa einnig sett mannlega þáttinn í forgang í þróunarstarfi á heimsvísu, með því að einblína ekki á hagvöxt einan og sér heldur huga að lífsgæðum fólks um allan heim.

Við útreikning árlegrar vísitölu Þróunarstofnunar Sameinuðu þjóðanna (UNDP) er litið á tölfræði yfir lífslíkur, menntun og tekjur og unnin úr því samsett vísitala um Mannlega þróun (UNDP Human Development Index). Í þessari ítarlegu skýrslu eru skilgreind málefni þar sem ástæða er til að auka fjárfestingu til að auka mannlega þróun.

Ban Ki-moon,framkvæmdastjóri Sameinuðu þjóðanna skorar á alþjóðasamfélagið að vinna saman í ávarpi sínu í tilefni dagsins: „Hamingja hefur ef til vill ólíka merkingu í hugum fólks. En við getum öll sameinast um það að vinna að því að binda enda á átök, fátækt og aðrar hörmungar sem allt of margir jarðarbúar þurfa að lifa við.”