Börnin ekki tekin af Mama June

Raunveruleikastjarnan Mama June, sem heitir réttu nafni Shannon, brýtur ekki lögin með því að vera í ástarsambandi með dæmda barnaníðingnum Mark McDaniel. Þetta kemur fram á fréttasíðunni TMZ.

Þátturinn Here Comes Honey Boo Boo, með Shannon í einu af aðalhlutverkunum, var tekinn af dagskrá á sjónvarpsstöðinni TLC í kjölfar fregna um að Shannon og Mark væru par. 

Mark fékk tíu ára fangelsisdóm fyrir að misnota dóttur Shannons, Önnu, kynferðislega og var sleppt í mars á þessu ári.

Samkvæmt upplýsingum frá lögregluyfirvöldum í Dekalb-sýslu í Bandaríkjunum má Mark vera í kringum Shannon og hennar fjölskyldu, alla nema Önnu. Hins vegar fylgjast barnaverndaryfirvöld grannt með heimilinu en geta ekki aðhafst nema öryggi barnanna sé ógnað.