Skíðakonan komin úr öndunarvél

Skíðakonan sem slasaðist í Ólafsfjarðarmúla í gær er komin úr öndunarvél og er ástand hennar stöðugt. MBL greinir frá.

Konan er alvarlega slösuð en hlaut hún nokkur beinbrot og þar á meðal slæman áverka á hægri fæti. Var hún að skíða niður Múlann við erfiðar aðstæður þegar hún féll. Hún var þá stödd ofan við gamla Ólafsfjarðarveg, um 300 metra frá gagnamunnanum Ólafsfjarðarmegin.

Þyrla var notuð til að ferja björgunarmenn á vettvang og flytja konuna á sjúkrahúsið á Akureyri, en þaðan var hún send með sjúkraflugvél til Reykjavíkur og send í aðgerð. Var hún þá flutt á gjörgæslu og sett í öndunarvél.