Dóninn Davíð

Óðinn Jónsson fréttastjóri Útvarps er í viðtali nýs tölublaðs Kjarnans og þar svarar hann meðal annars harðri gagnrýni Morgunblaðsins á Ríkisútvarpið sem sagt er taglhnýtingur Samfylkingar og reki Evrópusinnaða fréttastefnu.

Óðinn vísar þessu á bug og segir fólk eitt sinn hafa tekið mark á Morgunblaðinu og því þyki þetta óþægilegt. Óðinn segir þetta ekki bíta á sig en þetta sé "algjörlega óboðlegt, og rakinn dónaskapur, að gera fólki upp skoðanir og ætla því að það vinni óheiðarlega. Að það sé á mála hjá einhverjum flokkum, fyrirtækjum eða öðrum öflum án þess að nein önnur rök séu sett fram fyrir því en að viðkomandi finnist hlutirnir bara vera svona."