Vænir bitar til Framara

Karlalið Fram í efstu deild í knattspyrnu fékk til liðs við sig tvo öfluga leikmenn á lokadegi félagaskiptagluggans í gær.

Annars vegar er um að ræða hinn átján ára Aron Bjarnason sem færir sig ekki langt um set. Aron er Þróttari og hefur spilað 11 leiki með þeim rauðu og hvítu í 1. deild í sumar.

Hins vegar gengur Norðmaðurinn Steffen Haugland til liðs við Fram frá Sandnes-Ulf. Haugland er 25 ára gamall. Framarar seldu Steven Lennon á dögunum til norska félagsins.