Verður snjóbrettamaður einn af keppendum Íslands á ÓL? Óskar Ófeigur Jónsson skrifar 2. október 2013 07:00 Halldór Helgason. Mynd/NordicPhotos/Getty Það eru bara 128 dagar í að 22. Vetrarólympíuleikarnir hefjist í Sochi í Rússlandi. Það ræðst ekki fyrr en á næstu mánuðum hversu margir íslenskir keppendur verða með á leikunumn. Jón Viðar Þorvaldsson, framkvæmdastjóri Skíðasambands Íslands, vonast til þess að sjá allt að tíu íslenska keppendur á leikunum. „Það eru sjö úr alpagreinum, tveir úr göngu og einn á bretti sem eru í Ólympíuhópnum og einungis þessir einstaklingar eiga möguleika á að komast þangað. Við munum aldrei senda fleiri en þessa einstaklinga. Við vonumst að sjálfsögðu til að sem flestir komist en raunhæft væri að segja að fjórir úr alpagreinum, tveir í göngu og einn á bretti eigi möguleika á því að komast á leikana. Allt umfram það yrði frábært,“ sagði Jón Viðar þegar Fréttablaðið kannaði stöðuna í gær, fjórum mánuðum fyrir leikana. Augu margra verða á brettamanninum Halldóri Helgasyni sem getur orðið fyrsti Íslendingurinn til að keppa á snjóbretti á Ólympíuleikum „Hann þarf að sækja þessi alþjóðlegu fismót og er, eins og staðan er núna, ekki inni. Hann þarf að ná góðum árangri í tveimur mótum og það dugir honum. Þá kæmist hann að öllum líkindum inn,“ segir Jón Viðar. Göngugarpurinn Sævar Birgisson er búinn að ná lágmörkunum inn á leikana og allar líkur eru á því að hann komist til Sochi. Sævar er 24 ára gamall og verður þá fyrsti íslenski göngumaðurinn í tuttugu ár til að keppa Ólympíuleikum eða allt frá því að Daníel Jakobsson, fyrrverandi formaður SKÍ, og Rögnvaldur Ingþórsson kepptu á ÓL í Lillehammer árið 1994. „Við erum að vonast til þess að Brynjar Leó nái líka þessum lágmörkum,“ segir Jón en Sævar og Brynjar Leó Kristinsson eru einu göngumennirnir í hópnum.Landsliðshópur SKÍ í Alpagreinum Talið frá vinstri: Einar Kristinn Kristgeirsson, Jakob Helgi Bjarnason, Freydís Halla Einarsdóttir, Brynjar Jökull Guðmundsson, Erla Ásgeirsdóttir, Helga María Vilhjálmsdóttir og María Guðmundsdóttir.Mynd/SKÍ„Það er frábært að fá inn fólk úr sem flestum greinum. Alpagreinarnar hafa verið mest á Ólympíuleikunum undanfarið. Við áttum fjóra keppendur í alpagreinum á Ólympíuleikunum í Vancouver og vonumst til að eiga fjóra líka núna. Þau þurfa að ná ákveðnum lágmörkum á alþjóðlegum mótum og ef það eru fleiri en tveir eða þrír þurfa Skíðasambandið og ÍSÍ bara að velja á milli,“ segir Jón Viðar. „Það stefnir í mikla samkeppni hjá krökkunum að tryggja sig inn. Landsliðið í alpagreinum er núna í Austurríki við æfingar og þar er undirbúningur í fullum gangi,“ segir Jón Viðar. Alpagreinafólkið, Björgvin Björgvinsson, Íris Guðmundsdóttir, Stefán Jón Sigurgeirsson og Árni Þorvaldsson, var með á leikunum í Vancouver fyrir fjórum árum en ekki núna. „Þetta er alveg nýr hópur. Það hefur því miður verið oft þannig að Ólympíuleikar eru endastöð fyrir alltof marga,“ segir Jón Viðar. Eins og hjá öðru afreksfólki á Íslandi þá gerir peningahliðin krökkunum erfitt fyrir. „Þetta er mjög dýrt sport og aðallega er þetta svo rosalegur ferðakostnaður. Það er verið að sækja aðstöðuna erlendis því við erum með mjög óhagstætt veðurfar hérna á Íslandi. Þau þurfa að leggja út fyrir X-miklum kostnaði en við erum að vinna í því að fá nýja styrktaraðila og reyna að styrkja þau eins og við getum,“ segir Jón Viðar. Hann er pottþéttur á því að vetrarleikarnir í Sochi í Rússlandi verði sögulegir. „Þetta á eftir að toppa allt og verður alveg rosalegt. Rússarnir eru alveg ruglaðir og reyna að koma sér á kortið þarna eins og í öllu öðru sem þeir gera,“ sagði Jón Viðar að lokum.Sævar BirgissonMynd/Sævar BirgissonÞau ætla að vera með á ÓL í febrúar Skíðasamband Íslands (SKÍ) hefur sett saman Ólympíuhóp sambandsins en hann skipa þeir tíu íþróttamenn sem eiga raunhæfa möguleika á að tryggja sér keppnisrétt á næstu Vetrarólympíuleikum sem fara fram í rússnesku borginni Sochi við Svartahaf í febrúar 2014. Hópinn skipa þau Brynjar Jökull Guðmundsson (alpagreinar), Brynjar Leó Kristinsson (skíðaganga), Einar Kristinn Kristgeirsson (alpagreinar), Erla Ásgeirsdóttir (alpagreinar), Freydís Halla Einarsdóttir (alpagreinar), Halldór Helgason (snjóbretti), Helga María Vilhjálmsdóttir (alpagreinar), Jakob Helgi Bjarnason (alpagreinar), María Guðmundsdóttir (alpagreinar) og Sævar Birgisson (skíðaganga)i. Vetrarólympíuleikar 2014 í Sochi Mest lesið Hafþór Júlíus setti heimsmet í réttstöðulyftu Sport City að kaupa fyrrum leikmann sinn fyrir metfé Fótbolti Yfir þrjúþúsund manns á Meistaravöllum:„Albestu stuðningsmenn á Íslandi“ Fótbolti Landsliðsfólk fagnaði sigri í Kerlingarfjöllum Sport Sumardeildin hófst á stórsigri Fótbolti Halldór Árnason: „3-3 hefði verið nærri lagi“ Fótbolti Gerðu tvö jafntefli gegn C-deildarliðum á einum degi Fótbolti Kristófer opnar sig um ágreininginn: „Vonbrigði og vanvirðing“ Körfubolti Kristófer sendir frá sér yfirlýsingu: „Ekki ætlun mín að valda usla“ Körfubolti Uppgjörið: KR - Breiðablik 1-1 | Allt jafnt á nýja gervigrasinu Íslenski boltinn Fleiri fréttir Hafþór Júlíus setti heimsmet í réttstöðulyftu City að kaupa fyrrum leikmann sinn fyrir metfé Sumardeildin hófst á stórsigri Landsliðsfólk fagnaði sigri í Kerlingarfjöllum Gerðu tvö jafntefli gegn C-deildarliðum á einum degi Halldór Árnason: „3-3 hefði verið nærri lagi“ „Boltinn vildi ekki inn í dag“ Yfir þrjúþúsund manns á Meistaravöllum:„Albestu stuðningsmenn á Íslandi“ Arsenal staðfestir komu Gyökeres Norris á ráspól í Belgíu á morgun Fylgdi þrennuni eftir með marki í dramatískum sigri Kristófer sendir frá sér yfirlýsingu: „Ekki ætlun mín að valda usla“ Uppgjörið: KR - Breiðablik 1-1 | Allt jafnt á nýja gervigrasinu Mikilvægur sigur Völsunga Sjáðu öll sjö mörkin úr leikjum gærdagsins Gull og brons á Ólympíuhátíð Evrópuæskunnar James með á æfingu í dag Frumsýning Wirtz engin flugeldasýning Verstappen vann sprettinn í Belgíu C-deildar lið Wycombe stóð í Tottenham Wrexham reynir við Eriksen Spilaði með KV í gær en má spila með KR í dag Reisa varanlegan minnisvarða um Jota úr endurunnu efni Jón Daði meiddur og endurkoman bíður Snúa aftur eftir 233 daga framkvæmdir: „Þetta er gamechanger“ Ísland eitt af regnbogaliðunum á Evrópumótinu Kristófer opnar sig um ágreininginn: „Vonbrigði og vanvirðing“ Segir Messi ákaflega ósáttan með leikbannið Getur varla gengið lengur Dagskráin: Fyrsti leikurinn á nýja KR-vellinum, ensk félög í beinni og formúla Sjá meira
Það eru bara 128 dagar í að 22. Vetrarólympíuleikarnir hefjist í Sochi í Rússlandi. Það ræðst ekki fyrr en á næstu mánuðum hversu margir íslenskir keppendur verða með á leikunumn. Jón Viðar Þorvaldsson, framkvæmdastjóri Skíðasambands Íslands, vonast til þess að sjá allt að tíu íslenska keppendur á leikunum. „Það eru sjö úr alpagreinum, tveir úr göngu og einn á bretti sem eru í Ólympíuhópnum og einungis þessir einstaklingar eiga möguleika á að komast þangað. Við munum aldrei senda fleiri en þessa einstaklinga. Við vonumst að sjálfsögðu til að sem flestir komist en raunhæft væri að segja að fjórir úr alpagreinum, tveir í göngu og einn á bretti eigi möguleika á því að komast á leikana. Allt umfram það yrði frábært,“ sagði Jón Viðar þegar Fréttablaðið kannaði stöðuna í gær, fjórum mánuðum fyrir leikana. Augu margra verða á brettamanninum Halldóri Helgasyni sem getur orðið fyrsti Íslendingurinn til að keppa á snjóbretti á Ólympíuleikum „Hann þarf að sækja þessi alþjóðlegu fismót og er, eins og staðan er núna, ekki inni. Hann þarf að ná góðum árangri í tveimur mótum og það dugir honum. Þá kæmist hann að öllum líkindum inn,“ segir Jón Viðar. Göngugarpurinn Sævar Birgisson er búinn að ná lágmörkunum inn á leikana og allar líkur eru á því að hann komist til Sochi. Sævar er 24 ára gamall og verður þá fyrsti íslenski göngumaðurinn í tuttugu ár til að keppa Ólympíuleikum eða allt frá því að Daníel Jakobsson, fyrrverandi formaður SKÍ, og Rögnvaldur Ingþórsson kepptu á ÓL í Lillehammer árið 1994. „Við erum að vonast til þess að Brynjar Leó nái líka þessum lágmörkum,“ segir Jón en Sævar og Brynjar Leó Kristinsson eru einu göngumennirnir í hópnum.Landsliðshópur SKÍ í Alpagreinum Talið frá vinstri: Einar Kristinn Kristgeirsson, Jakob Helgi Bjarnason, Freydís Halla Einarsdóttir, Brynjar Jökull Guðmundsson, Erla Ásgeirsdóttir, Helga María Vilhjálmsdóttir og María Guðmundsdóttir.Mynd/SKÍ„Það er frábært að fá inn fólk úr sem flestum greinum. Alpagreinarnar hafa verið mest á Ólympíuleikunum undanfarið. Við áttum fjóra keppendur í alpagreinum á Ólympíuleikunum í Vancouver og vonumst til að eiga fjóra líka núna. Þau þurfa að ná ákveðnum lágmörkum á alþjóðlegum mótum og ef það eru fleiri en tveir eða þrír þurfa Skíðasambandið og ÍSÍ bara að velja á milli,“ segir Jón Viðar. „Það stefnir í mikla samkeppni hjá krökkunum að tryggja sig inn. Landsliðið í alpagreinum er núna í Austurríki við æfingar og þar er undirbúningur í fullum gangi,“ segir Jón Viðar. Alpagreinafólkið, Björgvin Björgvinsson, Íris Guðmundsdóttir, Stefán Jón Sigurgeirsson og Árni Þorvaldsson, var með á leikunum í Vancouver fyrir fjórum árum en ekki núna. „Þetta er alveg nýr hópur. Það hefur því miður verið oft þannig að Ólympíuleikar eru endastöð fyrir alltof marga,“ segir Jón Viðar. Eins og hjá öðru afreksfólki á Íslandi þá gerir peningahliðin krökkunum erfitt fyrir. „Þetta er mjög dýrt sport og aðallega er þetta svo rosalegur ferðakostnaður. Það er verið að sækja aðstöðuna erlendis því við erum með mjög óhagstætt veðurfar hérna á Íslandi. Þau þurfa að leggja út fyrir X-miklum kostnaði en við erum að vinna í því að fá nýja styrktaraðila og reyna að styrkja þau eins og við getum,“ segir Jón Viðar. Hann er pottþéttur á því að vetrarleikarnir í Sochi í Rússlandi verði sögulegir. „Þetta á eftir að toppa allt og verður alveg rosalegt. Rússarnir eru alveg ruglaðir og reyna að koma sér á kortið þarna eins og í öllu öðru sem þeir gera,“ sagði Jón Viðar að lokum.Sævar BirgissonMynd/Sævar BirgissonÞau ætla að vera með á ÓL í febrúar Skíðasamband Íslands (SKÍ) hefur sett saman Ólympíuhóp sambandsins en hann skipa þeir tíu íþróttamenn sem eiga raunhæfa möguleika á að tryggja sér keppnisrétt á næstu Vetrarólympíuleikum sem fara fram í rússnesku borginni Sochi við Svartahaf í febrúar 2014. Hópinn skipa þau Brynjar Jökull Guðmundsson (alpagreinar), Brynjar Leó Kristinsson (skíðaganga), Einar Kristinn Kristgeirsson (alpagreinar), Erla Ásgeirsdóttir (alpagreinar), Freydís Halla Einarsdóttir (alpagreinar), Halldór Helgason (snjóbretti), Helga María Vilhjálmsdóttir (alpagreinar), Jakob Helgi Bjarnason (alpagreinar), María Guðmundsdóttir (alpagreinar) og Sævar Birgisson (skíðaganga)i.
Vetrarólympíuleikar 2014 í Sochi Mest lesið Hafþór Júlíus setti heimsmet í réttstöðulyftu Sport City að kaupa fyrrum leikmann sinn fyrir metfé Fótbolti Yfir þrjúþúsund manns á Meistaravöllum:„Albestu stuðningsmenn á Íslandi“ Fótbolti Landsliðsfólk fagnaði sigri í Kerlingarfjöllum Sport Sumardeildin hófst á stórsigri Fótbolti Halldór Árnason: „3-3 hefði verið nærri lagi“ Fótbolti Gerðu tvö jafntefli gegn C-deildarliðum á einum degi Fótbolti Kristófer opnar sig um ágreininginn: „Vonbrigði og vanvirðing“ Körfubolti Kristófer sendir frá sér yfirlýsingu: „Ekki ætlun mín að valda usla“ Körfubolti Uppgjörið: KR - Breiðablik 1-1 | Allt jafnt á nýja gervigrasinu Íslenski boltinn Fleiri fréttir Hafþór Júlíus setti heimsmet í réttstöðulyftu City að kaupa fyrrum leikmann sinn fyrir metfé Sumardeildin hófst á stórsigri Landsliðsfólk fagnaði sigri í Kerlingarfjöllum Gerðu tvö jafntefli gegn C-deildarliðum á einum degi Halldór Árnason: „3-3 hefði verið nærri lagi“ „Boltinn vildi ekki inn í dag“ Yfir þrjúþúsund manns á Meistaravöllum:„Albestu stuðningsmenn á Íslandi“ Arsenal staðfestir komu Gyökeres Norris á ráspól í Belgíu á morgun Fylgdi þrennuni eftir með marki í dramatískum sigri Kristófer sendir frá sér yfirlýsingu: „Ekki ætlun mín að valda usla“ Uppgjörið: KR - Breiðablik 1-1 | Allt jafnt á nýja gervigrasinu Mikilvægur sigur Völsunga Sjáðu öll sjö mörkin úr leikjum gærdagsins Gull og brons á Ólympíuhátíð Evrópuæskunnar James með á æfingu í dag Frumsýning Wirtz engin flugeldasýning Verstappen vann sprettinn í Belgíu C-deildar lið Wycombe stóð í Tottenham Wrexham reynir við Eriksen Spilaði með KV í gær en má spila með KR í dag Reisa varanlegan minnisvarða um Jota úr endurunnu efni Jón Daði meiddur og endurkoman bíður Snúa aftur eftir 233 daga framkvæmdir: „Þetta er gamechanger“ Ísland eitt af regnbogaliðunum á Evrópumótinu Kristófer opnar sig um ágreininginn: „Vonbrigði og vanvirðing“ Segir Messi ákaflega ósáttan með leikbannið Getur varla gengið lengur Dagskráin: Fyrsti leikurinn á nýja KR-vellinum, ensk félög í beinni og formúla Sjá meira