Laxinn fitnar í styttri þvotti

Það kann að hljóma undarlega en ný þvottavél sem Fjarðarlax hefur keypt hefur veruleg áhrif á holdafar laxins sem fyrirtækið er með í kvíum á sunnanverðum Vestfjörðum.

Ástæðan er sú að gamla þvottavélin, sem þvoði kvíarnar, þurfti um vikutíma til að hreinsa þær. Hávaðinn pirrar laxinn svo hann át mun minna meðan á látunum stóð. Nýja þvottavélin klárar verkið hins vegar á hálfum degi.

Það fer því minni tími í pirring en meiri tími í að éta hjá þeim hreistruðu svo þeim vex frekar fiskur um hrygg.