Tvífarinn á skítalaunum

Tvífari Brads Pitt í kvikmyndinni World War Z, David Paterson, fékk greiddar rúmar 800 íslenskar krónur á tímann fyrir framlag sitt á tökustað.

Á meðan Brad Pitt fékk greiddar fúlgur fjár fyrir leik sinn í myndinni þénaði tvífarinn einungis tæpar 15.000 krónur fyrir 18 tíma vinnudag.

„Ég þurfti að vera Brad í heilan dag og herma eftir öllu sem hann gerði í tökunum,“ sagði David við dagblaðið Daily News.

„Ég fékk greiddar tæpar 15.000 krónur en þetta snerist samt ekki um peningana. Ég fékk ekki VIP-passa á myndina eða neitt. Ég hef ekki einu sinni séð hana. Ég gekk bara burt af settinu með þessar 15.000 krónur og enga eiginhandaráritun eða neitt,“ sagði hinn hundfúli David.