Skrifaði bréf til Rússlands

Fyrrverandi Bítillinn Paul McCartney hefur skrifað bréf til stuðnings Mariu Alyokhina, meðlimi rússnesku pönksveitarinnar Pussy Riot. Hún ætlar í hungurverkfall vegna þess að henni var neitað um að vera viðstödd fund þar sem úrskurðað verður hvort hún fái reynslulausn úr fangelsi.

McCartney skrifaði einnig stuðningsbréf vegna annars meðlims Pussy Riot, Nadezhda Tolokonnikova, sem var neitað um reynslulausn í síðasta mánuði. Bréfin hafa verið sent til rússneskra yfirvalda þar sem óskað er eftir því konunum tveimur verði sleppt úr haldi.