Vigdís Hauksdóttir slær í gegn á blómaskreytingakvöldi Blómavals

Hin árlegu jólaskreytingakvöld Blómavals voru haldin á miðvikudag og fimmtudag síðastliðinn. Var gestaskreytari á fimmtudag Vigdís Hauksdóttir alþingiskona.

Skreytingakvöldin hafa nú verið haldin sleitulaust í yfir 30 ár og ekkert lát á vinsældum þeirra. Á þeim er farið yfir helstu strauma og stefnur í jólaskreytingum fyrir hver jól. 

Vigdís vakti að vonum mikla lukku sem gestaskreytari, en hún starfaði áður hjá Blómavali og varð Íslandsmeistari í blómaskreytingum á sínum tíma.

Mikill fjöldi var samankominn á fimmtudagskvöldinu, líkt og sjá má á meðfylgjandi myndum.