Tillögur um skuldalækkun samþykktar

Ríkisstjórnin samþykkti í morgun að halda áfram vinnu við undirbúning að framkvæmd tillagna sérfræðingahópsins um höfuðstólalækkun verðtryggðra húsnæðislána. Tillögurnar og aðgerðaráætlunin verða kynntar á sérstökum fréttamannafundi á morgun og á vef forsætisráðuneytisins í framhaldi af því.

Niðurstöður hópsins voru kynntar á ríkisstjórnarfundi klukkan tíu í morgun og þar var samþykkt að halda áfram vinnu við undirbúning að framkvæmd tillagnanna, meðal annars smíði lagafrumvarpa á grundvelli þeirra. „Útfærsla tillagnanna felur í sér viðamestu efnahagsaðgerð ríkisstjórnarinnar til þessa,“ segir í fréttinni.