Sáttmáli um umferðina

Umferðarsáttmáli verður afhentur forseta Íslands við athöfn í Fjölskyldu- og húsdýragarðinum á morgun.

Sáttmálinn inniheldur nokkurs konar kurteisisreglur í umferðinni og er ætlað að auka sameiginlegan skilning á því hvernig við viljum haga okkur í umferð, hvernig við sýnum hvort öðru tillitssemi og stuðlum þannig að auknu öryggi, segir í tilkynningu frá lögreglunni á höfuðborgarsvæðinu.

Sáttmálinn hefur verið í vinnslu síðustu mánuði en hugmyndin kom til umræðu hjá lögreglunni á höfuðborgarsvæðinu í lok síðasta árs.

Hitann og þungann af gerð sáttmálans hafa fjórtán sjálfboðaliðar borið, karlar og konur á öllum aldri, sem allir hafa brennandi áhuga á umferðarmálum og umferðaröryggi.

Í tengslum við verkefnið hefur jafnframt verið haldið úti heimasíðu og fésbókarsíðu með það að markmiði að fá viðhorf sem flestra til þess hvernig umferð okkar og umferðarmenning á að vera, hvað við gerum vel og hvað við getum gert betur.

Afraksturinn er Umferðarsáttmáli allra vegfarend