Býr barn til súkkulaðið þitt? Elísabet Ingólfsdóttir skrifar 30. mars 2013 06:00 Á liðnu ári stofnuðu alþjóðasamtökin Stop the Traffik deild á Íslandi. Markmið samtakanna er að beita sér gegn mansali um heim allan og vekja almenning til meðvitundar um að mansal snertir okkur öll, meira að segja bara þegar við kaupum okkur súkkulaði. Staðreyndin er sú að um 70% kakóframleiðslu heimsins eiga sér stað í Vestur-Afríku. Í þeim heimshluta viðgangast kaup og sala með börn. Sem dæmi eru börn seld frá Malí til Fílabeinsstrandarinnar á degi hverjum, eftir að hafa fengið ýmis gylliboð sem síðan reynast vera fölsk fyrirheit. Haustið 2011 kom út skýrsla á vegum Stop the Traffik og fleiri alþjóðasamtaka sem beita sér gegn mansali og bar hún heitið „10 campaign“. Í skýrslunni kom fram að tíu árum áður hafi nokkrir stærstu súkkulaðiframleiðendur heims skrifað undir bókun sem kallast Harkin-Engel Protocol. Samkvæmt bókuninni ábyrgðust framleiðendurnir að beita sér fyrir því að útrýma verstu birtingarmyndum barnaþrælkunar í kakóiðnaðinum á Fílabeinsströndinni og í Gana. Þrátt fyrir þetta hafa ákvæðin sex í bókuninni ekki verið innleidd að fullu og fyrirhugaðar umbætur í kakóiðnaðinum hafa enn ekki átt sér stað.Hvað er til ráða? Eina leiðin til að staðreyna að súkkulaðið þitt sé mansalsfrítt er að kaupa vottað súkkulaði. Til eru hinar ýmsu vottanir og er Fairtrade einna þekktust en til eru miklu fleiri tegundir, s.s. Rainforest, UTZ og fleira. Auk þess eru mörg fyrirtæki með sína eigin vottun og versla þá við tiltekna bændur milliliðalaust. Enn sem komið er framleiðir ekkert íslenskt fyrirtæki vottað súkkulaði. Íslandsdeild Stop the Traffik hefur þegar haft samband við alla stærstu súkkulaðiframleiðendurna á Íslandi en aðeins Nói Síríus brást við og fundaði með fulltrúum samtakanna. Viðbrögð þeirra við áhyggjum okkar voru annars vegar tortryggni í garð vottunarfyrirtækja og hins vegar fyrirsláttur um að slík breyting væri of kostnaðarsöm. Auk þess vildi framleiðandinn ekki skipta við annan millilið og hætta þannig á að bragð vörunnar myndi breytast. Í þessu samhengi er mikilvægt að gera sér grein fyrir því að eins og staðan er í dag kostar íslenska súkkulaðið okkar heilsu, menntun og æsku fjölmargra barna. Það er kostnaðarsamt.Breytt viðhorf Okkur til mikillar ánægju fengum við annan fund með Nóa Síríus og kvað þá við annan tón enda höfðu nokkrir starfsmenn gert sér ferð til Vestur-Afríku til þess að kynna sér starfsemi dreifingaraðilanna. Þeim var mjög brugðið yfir því sem þeir sáu og viðhorf þeirra gagnvart vottun hafði greinilega breyst. Það er mjög ólíklegt að stórfyrirtæki sem starfar á samkeppnismarkaði muni breyta framleiðslu sinni nema krafa komi um það frá neytendum. Því skorar Íslandsdeild Stop the Traffik á alla Íslendinga að senda sínum uppáhaldssúkkulaðiframleiðanda áskorun um að framvegis ætli þeir aðeins að kaupa vottað súkkulaði, hvar sem bændurnir fá greitt sanngjarnt verð fyrir kakóbaunirnar sínar og börn hafa ekki komið nálægt ræktun þeirra. Einnig skora samtökin á alla neytendur að beita sér fyrir því að selt verði vottað súkkulaði í öllum verslunum og söluturnum á landinu. Fyrir þá sem það kjósa höfum við samið staðlað bréf til íslenskra súkkulaðiframleiðenda. Sendið okkur tölvupóst á acticeland@gmail.com og þá munum við senda ykkur bréfið um hæl. Endilega kynnið ykkur málið frekar á Facebook undir Stop the Traffik: ACT Iceland og á heimasíðu samtakanna www.stopthetraffik.org. Fyrir þá sem hafa sérstakan áhuga á að kynna sér mansal í tengslum við kakóiðnaðinn mælum við eindregið með heimildarmyndinni „The Dark Side of Chocolate“, en hana er hægt að nálgast ókeypis á vefsíðunni Youtube. Viltu birta grein á Vísi? Sendu okkur póst. Senda grein Mest lesið Halldór 18.05.2024 Halldór Birni Bjarnasyni svarað Arnar Þór Jónsson Skoðun Kjósum Katrínu Kjartan Ragnarsson Skoðun Baldur Þórhallsson er vitur og vís Bryndís Friðgeirsdóttir Skoðun Heilbrigðiskerfi Íslands - Tími fyrir lausnir! Victor Gudmundsson Skoðun Því miður ekkert annað í stöðunni en að fresta atkvæðagreiðslu um verkefni Heidelberg Gestur Þór Kristjánsson,Erla Sif Markúsdóttir,Sigurbjörg Jenný Jónsdóttir,Grétar Ingi Erlendsson Skoðun Mesti stjórnmálamaðurinn? Hjörtur J. Guðmundsson Skoðun „Ég skal baka fyrir Gunnar en ég kýs Kristján“ Páll Magnússon Skoðun Kosningum frestað Ása Berglind Hjálmarsdóttir,Hrönn Guðmundsdóttir Skoðun Forsetaframbjóðendur undir áhrifum Kremlverja? Bjarni Már Magnússon Skoðun Skoðun Skoðun Kosningum frestað Ása Berglind Hjálmarsdóttir,Hrönn Guðmundsdóttir skrifar Skoðun Mesti stjórnmálamaðurinn? Hjörtur J. Guðmundsson skrifar Skoðun Birni Bjarnasyni svarað Arnar Þór Jónsson skrifar Skoðun Því miður ekkert annað í stöðunni en að fresta atkvæðagreiðslu um verkefni Heidelberg Gestur Þór Kristjánsson,Erla Sif Markúsdóttir,Sigurbjörg Jenný Jónsdóttir,Grétar Ingi Erlendsson skrifar Skoðun Baldur Þórhallsson er vitur og vís Bryndís Friðgeirsdóttir skrifar Skoðun Kjósum Katrínu Kjartan Ragnarsson skrifar Skoðun Neikvæð áhrif þess að útiloka forsetaframbjóðendur frá kappræðum strax komin í ljós Ástþór Magnússon skrifar Skoðun Nýtt sveitarfélag Halla Signý Kristjánsdóttir skrifar Skoðun Stafrænn ójöfnuður á upplýsingaöld Stella Samúelsdóttir,Alma Ýr Ingólfsdóttir skrifar Skoðun Varfærnisleg fagnaðarlæti Berglind Sunna Bragadóttir skrifar Skoðun „Ég skal baka fyrir Gunnar en ég kýs Kristján“ Páll Magnússon skrifar Skoðun Daðrað við sölu Björn Sævar Einarsson skrifar Skoðun Rannsóknir á söfnum skapa dýrmæta þekkingu Arndís Bergsdóttr skrifar Skoðun Sagan sem verður að segja Drífa Snædal skrifar Skoðun Nýsköpun innviða Jóhanna Ýr Jóhannsdóttir skrifar Skoðun Fjöldi fyrirtækja hætta með Rapyd Oddný Björg Rafnsdóttir skrifar Skoðun Forsetaframbjóðendur undir áhrifum Kremlverja? Bjarni Már Magnússon skrifar Skoðun Bréf frá móður Berglind Fríða Viggósdóttir skrifar Skoðun Vill ekki lengur íslenzkan her? Hjörtur J. Guðmundsson skrifar Skoðun Hafa íslensk fjarskiptafélög málað sig út í horn? Aron Heiðar Steinsson skrifar Skoðun Á Ísland framtíð í NATO? Hilmar Þór Hilmarsson skrifar Skoðun Fjallkonan nýja, hún Katrín Þorvaldur Logason skrifar Skoðun Heilsa íslenskrar þjóðar, samofin framþróun í læknisfræði á Íslandi Theódór Skúli Sigurðsson skrifar Skoðun Njótum reynslu Katrínar Valgerður Bjarnadóttir skrifar Skoðun Katrínu á Bessastaði Brynja Þorbjörnsdóttir skrifar Skoðun Eru stjórnvöld að virða réttindi barna á flótta? Hópur fólks í ungmennaráði UNICEF á Íslandi skrifar Skoðun Forseti Íslands, Baldur Þórhallsson Friðrik Erlingsson skrifar Skoðun Algeng mistök við fasteignakaup og hvernig þú forðast þau Kristín Ósk Þórðardóttir skrifar Skoðun Er ungum mönnum sama um sjófólk? Kjartan Sveinn Guðmundsson skrifar Skoðun Þörfin fyrir heimilislækna Bjarni Jónsson skrifar Sjá meira
Á liðnu ári stofnuðu alþjóðasamtökin Stop the Traffik deild á Íslandi. Markmið samtakanna er að beita sér gegn mansali um heim allan og vekja almenning til meðvitundar um að mansal snertir okkur öll, meira að segja bara þegar við kaupum okkur súkkulaði. Staðreyndin er sú að um 70% kakóframleiðslu heimsins eiga sér stað í Vestur-Afríku. Í þeim heimshluta viðgangast kaup og sala með börn. Sem dæmi eru börn seld frá Malí til Fílabeinsstrandarinnar á degi hverjum, eftir að hafa fengið ýmis gylliboð sem síðan reynast vera fölsk fyrirheit. Haustið 2011 kom út skýrsla á vegum Stop the Traffik og fleiri alþjóðasamtaka sem beita sér gegn mansali og bar hún heitið „10 campaign“. Í skýrslunni kom fram að tíu árum áður hafi nokkrir stærstu súkkulaðiframleiðendur heims skrifað undir bókun sem kallast Harkin-Engel Protocol. Samkvæmt bókuninni ábyrgðust framleiðendurnir að beita sér fyrir því að útrýma verstu birtingarmyndum barnaþrælkunar í kakóiðnaðinum á Fílabeinsströndinni og í Gana. Þrátt fyrir þetta hafa ákvæðin sex í bókuninni ekki verið innleidd að fullu og fyrirhugaðar umbætur í kakóiðnaðinum hafa enn ekki átt sér stað.Hvað er til ráða? Eina leiðin til að staðreyna að súkkulaðið þitt sé mansalsfrítt er að kaupa vottað súkkulaði. Til eru hinar ýmsu vottanir og er Fairtrade einna þekktust en til eru miklu fleiri tegundir, s.s. Rainforest, UTZ og fleira. Auk þess eru mörg fyrirtæki með sína eigin vottun og versla þá við tiltekna bændur milliliðalaust. Enn sem komið er framleiðir ekkert íslenskt fyrirtæki vottað súkkulaði. Íslandsdeild Stop the Traffik hefur þegar haft samband við alla stærstu súkkulaðiframleiðendurna á Íslandi en aðeins Nói Síríus brást við og fundaði með fulltrúum samtakanna. Viðbrögð þeirra við áhyggjum okkar voru annars vegar tortryggni í garð vottunarfyrirtækja og hins vegar fyrirsláttur um að slík breyting væri of kostnaðarsöm. Auk þess vildi framleiðandinn ekki skipta við annan millilið og hætta þannig á að bragð vörunnar myndi breytast. Í þessu samhengi er mikilvægt að gera sér grein fyrir því að eins og staðan er í dag kostar íslenska súkkulaðið okkar heilsu, menntun og æsku fjölmargra barna. Það er kostnaðarsamt.Breytt viðhorf Okkur til mikillar ánægju fengum við annan fund með Nóa Síríus og kvað þá við annan tón enda höfðu nokkrir starfsmenn gert sér ferð til Vestur-Afríku til þess að kynna sér starfsemi dreifingaraðilanna. Þeim var mjög brugðið yfir því sem þeir sáu og viðhorf þeirra gagnvart vottun hafði greinilega breyst. Það er mjög ólíklegt að stórfyrirtæki sem starfar á samkeppnismarkaði muni breyta framleiðslu sinni nema krafa komi um það frá neytendum. Því skorar Íslandsdeild Stop the Traffik á alla Íslendinga að senda sínum uppáhaldssúkkulaðiframleiðanda áskorun um að framvegis ætli þeir aðeins að kaupa vottað súkkulaði, hvar sem bændurnir fá greitt sanngjarnt verð fyrir kakóbaunirnar sínar og börn hafa ekki komið nálægt ræktun þeirra. Einnig skora samtökin á alla neytendur að beita sér fyrir því að selt verði vottað súkkulaði í öllum verslunum og söluturnum á landinu. Fyrir þá sem það kjósa höfum við samið staðlað bréf til íslenskra súkkulaðiframleiðenda. Sendið okkur tölvupóst á acticeland@gmail.com og þá munum við senda ykkur bréfið um hæl. Endilega kynnið ykkur málið frekar á Facebook undir Stop the Traffik: ACT Iceland og á heimasíðu samtakanna www.stopthetraffik.org. Fyrir þá sem hafa sérstakan áhuga á að kynna sér mansal í tengslum við kakóiðnaðinn mælum við eindregið með heimildarmyndinni „The Dark Side of Chocolate“, en hana er hægt að nálgast ókeypis á vefsíðunni Youtube.
Því miður ekkert annað í stöðunni en að fresta atkvæðagreiðslu um verkefni Heidelberg Gestur Þór Kristjánsson,Erla Sif Markúsdóttir,Sigurbjörg Jenný Jónsdóttir,Grétar Ingi Erlendsson Skoðun
Skoðun Því miður ekkert annað í stöðunni en að fresta atkvæðagreiðslu um verkefni Heidelberg Gestur Þór Kristjánsson,Erla Sif Markúsdóttir,Sigurbjörg Jenný Jónsdóttir,Grétar Ingi Erlendsson skrifar
Skoðun Neikvæð áhrif þess að útiloka forsetaframbjóðendur frá kappræðum strax komin í ljós Ástþór Magnússon skrifar
Skoðun Heilsa íslenskrar þjóðar, samofin framþróun í læknisfræði á Íslandi Theódór Skúli Sigurðsson skrifar
Skoðun Eru stjórnvöld að virða réttindi barna á flótta? Hópur fólks í ungmennaráði UNICEF á Íslandi skrifar
Skoðun Algeng mistök við fasteignakaup og hvernig þú forðast þau Kristín Ósk Þórðardóttir skrifar
Því miður ekkert annað í stöðunni en að fresta atkvæðagreiðslu um verkefni Heidelberg Gestur Þór Kristjánsson,Erla Sif Markúsdóttir,Sigurbjörg Jenný Jónsdóttir,Grétar Ingi Erlendsson Skoðun