Heimir áminntur og Víkingur sektað

Heimir Gunnlaugsson, varaformaður knattspyrnudeildar Víkings, var áminntur af aga- og úrskurðarnefnd KSÍ fyrir ummæli sín á Twitter í síðustu viku.

Heimir kallaði Leikni Ágústsson, dómara, sorp íslenskrar knattspyrnu og að hann væri KSÍ til skammar. Heimir baðst svo afsökunar en hélt í þá skoðun sína að leikurinn hafi ekki verið vel dæmdur.

Á stuðningsmannasíðunni Víkingur.net kemur fram að félagið hafi verið sektað um 25 þúsund krónur en svo segir í frétt síðunnar:

„Það verður að viðurkennast að þetta er athyglisverð niðurstaða í ljósi þess að leikurinn þótti ekki vel dæmdur.“