Spilaði þrátt fyrir slæmt ofnæmiskast

Bradley Simmonds lék með ÍBV í gær þrátt fyrir að vera í slæmu ástandi. Leikmaðurinn er með hnetuofnæmi og fékk slæmt ofnæmiskast í gær.

"Ég var í mjög slæmu ástandi í gær. Í fyrsta skipti sem ég fæ svona ofnæmiskast síðan ég var 5 ára. Ég skil ekki hvernig ég fór að því að spila í 45 mínútur," skrifaði Simmonds á Twitter-síðu sína.

"Ég var mjög heppinn að hafa reyndan lækni hjá mér eftir leikinn. Þetta var ekkert sérstaklega ánægjuleg reynsla."

Simmonds skrifar síðan að þetta hafi verið óhugnalegt, hann sé bólginn og klæji mikið.