Gestur Jónsson fær að verja Sigurð Einarsson

Gestur Jónsson mun verja Sigurð Einarsson, fyrrverandi stjórnarformann Kaupþings, í stóru markaðs- og umboðssvikamáli sem höfðað hefur verið á hendur Sigurði og átta öðrum fyrrverandi starfsmönnum Kaupþings.

Þegar málið var þingfest í Héraðsdómi Reykjavíkur í síðustu viku mótmælti björn Þorvaldsson saksóknari hjá sérstökum saksóknara því að Gestur yrði skipaður verjandi. Ástæðan er sú að Gestur baðst lausnar sem verjandi Sigurðar í svokölluðu al-Thani máli með þeim afleiðingum að fresta þurfti aðalmeðferðinni. Héraðsdómari tók sér stuttan frest til þess að íhuga málið en úrskurðaði svo að Gestur yrði skipaður verjandi.

Sérstakur saksóknari kærði þá niðurstöðu til Hæstaréttar sem staðfesti í dag úrskurð Héraðsdóms Reykjavikur.