Fann loksins augnskugga sem endist

Söng- og leikkonan Íris Kristinsdóttir sem eignaðist tvíburadrengi í apríl í fyrra hefur nóg að gera þegar kemur að uppeldinu. Íris, sem er glæsileg kona, upplýsir okkur hvaða húð- og snyrtivörur hún getur ekki verið án.

Bobby Brown Eyeliner gerir augun svo mikið fallegri og helst á allan daginn og fram á kvöld.

Kanebo púðurmeikið sem ég verð að eiga alltaf. Það gerir mann eitthvað svo "flawless" þegar maður er þreyttur eftir vökunótt.

AVEDA Hand Relief er sjúklega góður handáburður. Það jafnast ekkert á við að skríða upp í rúm og bera á sig handáburð fyrir svefninn. Svo ilmar hann líka svo vel.

Hýdrófíl rakakremið. Ég uppgötvaði það í þessu barnastússi. Þetta er langbesta andlitskrem sem ég hef notað. Engin aukaefni og gefur góðan raka.

Bobby Brown augnskuggar, Pastel Eye Shadow Pallette. Ég er búin að prufa margar týpur af augnskuggum og fann loks einhverja sem endast og haldast.