Sprautaði sig með sterum

Caleb Followill, söngvari Kings of Leon, þurfti árið 2011 að sprauta sig með sterum vegna áfengisdrykkju sinnar til að halda rödd sinni í lagi.

„Þegar þú ert á eins mikilli ferð og við vorum á og vinnur eins mikið, ferðu í ákveðinn takt. Svo hugsar maður með sér að ef við ætlum að halda góða tónleika þurfi maður tvo drykki til að koma sér í gírinn,“ sagði hann í viðtali við tímaritið Q.

„Svo þarf ég sterasprautu bara til að geta sungið. Eftir smá stund missirðu stjórn á þessu.“ Followill hætti að drekka í eitt ár til að koma sér á beinu brautina og núna fær hann sér aðeins drykk öðru hverju.