Afslappað og töffaralegt hjá Saint Laurent

Heidi Slimane, yfirhönnuður Saint Laurent, sótti innblástur til tónlistarhátíðarinnar Coachella og hljómsveitarinnar Nirvana fyrir haust og vetrarlínuna þetta árið. Línan var afslöppuð og þægileg, en fyrirsæturnar klæddust allar flatbotna uppháum leðurskóm í stað háu hælanna. Leðurpils, biker jakkar og stuttir bómullarkjólar voru mjög áberandi, en yfir kjólana klæddust fyrirsæturnar stórum ullarpeysum sem setti skemmtilegan og hversdagslegan stíl á línuna, Það er því deginum ljósara að þægindin verða í fyrirrúmi hjá Saint Laurent næsta haust.