Ekkert kynlífsbann í KR

Atli Sigurjónsson gerði félaga sínum hjá KR, Gary Martin, léttan grikk í dag þegar Englendingurinn tók fyrsta skrefið í setja öryggið á oddinn.

Atli birti mynd af Martin á Twitter í dag þar sem enski framherjinn er í þann mund að festa kaup á pakka af smokkum.

„G1Bov að gera sig kláran fyrir helgina. Hvaða stúlka ætli sé sú heppna?" skrifar Atli. Þá grínast hann með þá staðreynd að kvikmynd sé í framleiðslu þar sem fjallað er um Martin og íslenskar vinkonur hans.

Steven Lennon, skoski framherji Fram, veltir upp þeirri spurningu hvort smokkarnir séu ekki ætlaðir fyrir nána stund vinanna Atla og Martin. Englendingurinn svarar því til að ást þeirra sé bræðraást.

Þeir Atli og Martin eru iðnir á Twitter. Þar hafa nammidagar Englendingsins meðal annars vakið athygli sem áður hefur verið fjallað um hér á Vísi.