Versta óveðrinu slotaði í nótt

Versta óveðrinu slotaði í nótt þótt sumstaðar sé enn nokkuð hvasst og spáð sé stormi við Suðurströndina. Skólahald hefur verið fellt niður i grunnskólanum i Vestmannaeyjum, annan daginn i röð.

Sjaldan eða aldrei hafa færri verið á faraldsfæti á landinu og í nótt. Klukkan sex i morgun hafði til dæmis enginn bíll farið um heiðarnar á Snæfellsnesi frá miðnætti, hvað þá um heiðarnar á Vestfjörðum og á Norðurlandi.

Örfáir bílar fóru um Fagradal á milli Egilsstaða og Reyðarfjarðar, engin eftir Suðurströndinni og umferð á suðvesturhorninu var langt undir öllu meðaltali. Það þurfti því ekki að hjálpa neinum ökumönnum í vandræðum í nótt, en á þriðja hundrað björgunarsveitarmenn voru að störfum í gær, auk slökkviliðsmanna og lögreglumanna við að aðstoða fólk i vandræðum.

Þá var mikið álag a neyðarlínuna 112, sem fékk yfir þusund símtöl í gær, sem er líklega met. Nú er farið að hlýna á suðvesturhorninu og gæti orðið mikill vatnselgur á götum i dag.