Dóttir Madonnu í Grease

Lourdes Leon, dóttir poppdrottningarinnar Madonnu, frumsýndi stykkið Grease með leikhópnum í miðskólanum sínum í New York fyrir stuttu. Lourdes hreppti hlutverk Betty Rizzo og stóð sig með prýðum.

Lourdes fetar þar með í fótspor Stockard Channing sem lék hina léttlyndu Rizzo í kvikmyndinni Grease árið 1978.

"Lourdes var mjög góð. Hún er frábær söngkona, dansari og leikkona og virtist líða vel á sviðinu. Hún virtist líka skemmta sér í hlutverkinu," segir leikhúsgestur í samtali við tímaritið Us Weekly. 

Madonna sá sýninguna með föður Lourdes, Carlos Leon, á föstudaginn en lét lítið fyrir sér fara.