Bróðir Leonardo DiCaprio er týndur

Adam Farrar, stjúpbróðir stórleikarans Leonardo DiCaprio, er týndur. Hann sat í fangelsi í þrjár vikur og losnaði fyrir mánuði. Síðan þá hefur ekkert spurst til hans.

"Adam var í fangelsi og nú veit ég ekki hvar hann er. Hann var heima hjá mér í tvo til þrjá daga og hvarf svo. Ég hef reynt að hringja í hann en númerið hans er ótengt. Ég talaði við föður hans fyrir nokkrum dögum og enginn hefur heyrt í honum," segir fjölskylduvinur í samtali við The Sun.

"Leo hefur reynt að styðja við bakið á honum en samband þeirra hefur verið stirt í nokkur ár. Við höfum öll áhyggjur af Adam."