Hefur enga ástríðu fyrir Spice Girls

Fatahönnuðurinn Victoria Beckham, 39 ára, prýðir forsíðu desemberheftis Vogue Paris og segist ekki ætla að koma fram aftur með hljómsveitinni Spice Girls.

"Ég gerði mér grein fyrir að þetta væri búið árið 2008 þegar við fórum saman á tónleikaferðalag. Það hefði átt að vera besta stund lífs míns en mig langaði að vera einhvers staðar annars staðar," segir Victoria. Hljómsveitin tók sér pásu árið 2000 en kom saman aftur árið 2007 og 2008 fyrir tónleikaferðalag um heiminn. 

"Ég bar virðingu fyrir stelpunum og áhorfendum en ástríðan var ekki til staðar. Hins vegar færist ástríða mín í aukana á hverju ári á mínum nýja starfsvettvangi. Mig langar enn í meira."

Lífið á Facebook.