Demi Lovato smyglaði kókaíni um borð í flugvélar

Söngkonan Demi Lovato viðurkenndi að hafa notað kókaín í viðtali við Access Hollywood. Hún segist hafa verið langt leidd og ekki getað hamið neysluna í stuttum innanlandsflugferðum. Demi segist hafa tekið kókaín með sér um borð í vélarnar og beðið þangað til allir hinir á fyrsta farrými voru sofnaðir. Þá tók hún kókaínið í sæti sínu eða inni á baðherbergi.

Demi tókst að fela neysluna fyrir þeim sem stóðu henni næst. Hún kveðst hafa áttað sig á því að það stefndi í óefni þegar hún var nítján ára. Hún hefði ekki lengur þá afsökun fyrir hegðun sinni að vera ung og í uppreisnarham. Þá tók hún sig saman í andlitinu og leitaði eftir aðstoð.