Þróunaraðstoð Íslendinga bjargar mannslífum

Í fjárlagafrumvarpi næsta árs, er lagt til að dregið verði úr þróunaraðstoð Íslands sem nemur um 700 milljónum króna. Læknir sem starfaði í Malaví segir þróunaraðstoð Íslendinga á þessum slóðum skipta sköpum og bjarga fjölmörgum mannslífum á hverju ári.

Undir lok síðasta þings var samþykkt áætlun sem miðaði að því að á næstu fjórum árum færi þróunaraðstoð Íslands úr 0.22 prósentum af vergri þjóðartekjum í 0.42 prósent árið 2016.

Út frá framreiknuðu þjóðartekjum má ætla að þjóðaraðstoð Íslendinga fyrir áðurnefnd ár yrði um 24 milljarðar króna. Vigdís Hauksdóttir, var eini þingmaðurinn sem greiddi atkvæði gegn frumvarpinu. Hún útskýrði ákvörðun sína þá svona:Þrátt fyrir þessa fyrirhugðu auknu aðstoð stendur Ísland helstu nágrannaþjóðum sínum langt að baki hvað þróunaraðstoð varðar.

Svíþjóð, Noregur og Danmörk eru á meðal þeirra þjóða sem gefa mest allra, um eitt prósent af vergum þjóðartekjum.

Sigurður Guðmundsson, fyrrverandi landlæknir starfaði í eitt ár í Malaví á vegum Þróunarsamvinnustofnunarinnar við uppbyggingu sjúkrahúsa og heilsugæslustöðva. Hann segir famlag Íslands skipta sköpum á þessum slóðum.

„Ég hef stundum haft það á tilfinningunni að þetta hafi verið árið sem ég gerði mest gagn sem læknir þó ég sé nú búinn að starfa í slíkum störfum mjög lengi.“

Sigurður telur að þróunaraðstoð ætti að vera einn af hornsteinum íslenskrar utanríkisstefnu.„Það sem við höfum gert þarna, á þessum slóðum, Íslendingar, það hefur skipt máli, það hefur bjargað mannslífum.“

Nýleg könnun sýnir að tæplega 90 prósent Íslendinga vilja óbreytt eða aukin framlög til alþjóðlegrar þróunarsamvinnu. Sömuleiðis vilja flestir Íslendingar að heilbrigðiskerfið fái nauðsynlega fjármuni. Stjórnvöld telja að skattfé almennings sé betur varið í heilbrigðiskerfið heldur en í þróunaraðstoð. Spurningin er, er ísland kannski nógu efnuð þjóð til að geta sinnt hvoru tveggja með sómasamlegum hætti?