Magnaðar myndir af slökkvistarfi í Fernöndu

Varðskipið Þór hefur tekið flutningaskipið Fernöndu í tog og mun draga það til hafnar í Hafnarfirði. Varðskipsmenn og slökkviliðsmenn frá Slökkvliði höfuðborgarsvæðisins fóru um boð í Fernöndu fyrr í dag til að tryggja aðstæður áður en hafist var handa við að draga skipið af vettvangi.

Fernanda hafði rekið talsvert í norðvestur og var komið um 25 sjómílur suður af Grindavík. Fimm manns frá Landhelgisgæslunni og Slökkviliði höfuðborgarsvæðisins eru um boð í Fernanda til að fylgjast með aðstæðum.

Meðfylgjandir myndir tók áhöfn þyrlunnar TF-LIF af varðskipinu Þór að slökkva eldinn í Fernöndu. Þyrlan flutti varðskipsmenn, slökkviliðsmenn og búnað um borð í Fernöndu fyrr í dag. Varðskipið Þór er búið öflugu slökkvikerfi sem er sérstaklega hannað til að takast á við bruna í stórum skipum.